Tímarit Máls og menningar - 01.11.2009, Blaðsíða 29

Ú r d a g b ó k u m M a t t h í a s a r 19 9 9 – 2 0 0 0
TMM 2009 · 4 29
daga, kannski milljarða. Fyrst þeir vilja láta lemja sig fyrir þessa peninga
er mér sama. Af hverju er mér sama? Ætli það sé ekki hið dýrslega eðli í
sjálfum mér? Þetta eðli sem er vaxið úr jörðinni, vaxið úr blóðinu, en
hefur ekki náð til himins? Maður virðir fyrir sér fólkið sem er viðstatt,
þar eru margar fallegar konur og boxararnir taka sig vel út, ekki sízt
fyrir þessar konur. Þeir eru sannarlega ekki að boxa fyrir mig sem sit
heima í stofu og horfi á sjónvarpið; horfi á Ómar og Bubba flippa út!
Nei, þeir eru að boxa fyrir peningana sína og ungpíurnar þarna allt í
kringum þá. Þetta eðli er einfaldlega partur af náttúrunni. Grunneðlið
er hið sama og tarfanna á Eyjabökkum. Þeir faðmast að vísu ekki eftir
sinn bardaga og þeir fá að vísu ekki einhverja milljónatugi að honum
loknum, en þeir fá kúna, kannski kýrnar! Það er allavega eftir miklu að
slægjast.
Og tarfurinn í sjálfum mér vakir til morguns(!) Og ég horfi á hnefa-
leikana, en hata hnefaréttinn. …
20. september 1999, mánudagur
Samtal við Harald Sveinsson í sjónvarpinu, m.a. um Morgunblaðið.
Ágætt svo langt sem það náði. En sjónvarpssamtöl eru aldrei annað en
gárur á vatni. Einkennilegt að upplifa ýmislegt sem hann sagði, þegar
maður hefur lifað það sjálfur og þekkir til hlítar. Það er eins og taka
tappa úr sódavatnsflösku, fá sér einn sopa og láta hana svo standa …
3. nóvember 1999
… Þessi lággróður er allt að kæfa. Það er ekki hægt að þverfóta fyrir
honum. Og hann nærist á þessari svokölluðu markaðshyggju. Við boð-
uðum hana ekki á sínum tíma í því skyni að hún væri forsenda þess að
illgresið, eða arfinn, eða lággróðurinn tæki öll völd á Íslandi. Við boð-
uðum hana á sínum tíma vegna þess að við trúðum því að borgaralegt
þjóðfélag væri góður og hollur jarðvegur fyrir djúpar og sterkar rætur og
í þessum jarðvegi gætu mikil tré og fögur nærzt, helzt að askur Yggdra-
sils gæti borið arfleifð okkar, samtíð og framtíð, fagurt vitni. En mér er
það nú til efs. Það er ekki hugsað um nein verðmæti, ekki í alvöru. Pen-
ingarnir ráða öllu og við erum ofurseld peningjahyggjunni. Ég hef alltaf
haldið að peningum, viðskiptum eða kaupmennsku, fylgdi mikil menn-
ing, það hefur a.m.k. mikil menning fylgt borgaralegu þjóðfélagi, bæði í
Lübeck á sínum tíma og Björgvin, svo að dæmi séu nefnd. En það hefur
eitthvað farið forgörðum. Ég geri mér ekki alveg grein fyrir því hvað það
er, en helzt staldra ég við sjónvarpið, þokkatímarit og popp, kannski
vegna þess þetta var ekki til, þegar borgaraleg menning stóð í hvað
TMM_4_2009.indd 29 11/5/09 10:12:58 AM