Tímarit Máls og menningar - 01.05.2011, Síða 35

B ó k i n h e n n a r E l í n a r
TMM 2011 · 2 35
Bókin heitir Undarlegt er líf mitt og inniheldur bréf Jóhanns skálds Jóns­
sonar til vinar síns, séra Friðriks A. Friðrikssonar, á árunum 1912–1925.
Í bréfi frá 1916 segir svo:
Þið Elín voruð samferða á „Íslandinu“ til Seyðisfjarðar. Blessaður skrifaðu mér
eitthvað frá þeirri ferð. Hún hefur skrifað mér um þig, Friðrik. Það gladdi mig
sem hún sagði um þig. Segðu mér eitthvað frá umræðuefni ykkar og samveru.
Friðrik, hún er eina konan sem ég finn að er þess verð að hún sé dáð. Hún er
eina konan sem alltaf vex eftir því sem maður kynnist henni betur. Hin eina af
þeim öllum er ég hefi þekkt. Og ég veit að hún heldur áfram að heilla mig að
sálarfegurð sinni þangað til öllu er lokið.
Það eru kvalirnar sem hafa brugðið þessari birtu yfir hjarta hennar, það er
fórnfýsin við aðra menn sem hefur þvegið af henni hvern blett sem kynni að hafa
verið á henni. – Það er hún sem þurrkar út allar hennar yfirsjónir og gjörir hana
hreina og aðdáunarverða. Hún er sú, sem hefir fengið lífi mínu hlutverk að vinna.
Ég vildi að þú ættir eftir að finna einhverja þá konusál fyrir þér, sem yrði þér það
sama og hún er mér, þá værir þú fæddur til mikillar hamingju.
Meira var það ekki.
En hver var Jóhann Jónsson og hver var Elín?
Ég skal gera grein fyrir Jóhanni, Elín talar fyrir sig sjálf. Jóhann
Jónsson fæddist 12. september 1896 að Staðastað á Snæfellsnesi og ólst
upp í Ólafsvík. Þrátt fyrir mikla fátækt og heilsuleysi var hann settur