Tímarit Máls og menningar - 01.05.2011, Qupperneq 65

K e n n s l u s t u n d í s k a pa n d i s k r i f u m
TMM 2011 · 2 65
Og þegar hún kemur er hún fegurst allra á ballinu [dregur línu upp á
við]. Hún er svo svakalega uppskveruð að fjölskylda hennar þekkir hana
ekki einu sinni. Þá slær klukkan tólf, eins og hafði verið lofað, og hún er
svipt öllum fínheitunum [dregur línu niður við]. Klukkan er ekki lengi
að slá tólf slög og þess vegna hrapar kúrfan niður. Hrapar súlkan niður á
sama stig og áður? Nei, fjandinn hafi það. Engu máli skiptir hvað gerist
eftir þetta því að nú getur hún alla tíð yljað sér við endurminninguna
um að prinsinn varð ástfanginn af henni og hún var fegurst allra á
ballinu. Þannig damlar hún áfram á verulega betra stigi, sama á hverju
gengur, og skórinn passar, og hún verður yfirmáta hamingjusöm [dregur
línu upp á við og setur að lokum óendanleikatáknið].
Jæja, svo er saga eftir Franz Kafka [byrjar að draga línu D nærri botni
G-Ó-ássins]. Ungur maður er frekar óaðlaðlandi og ekki mjög upplits­
djarfur. Hann á leiðinlega ættingja og hefur verið í alls konar störfum
án þess að fá eitt einasta tækifæri til að fá framgang í starfi. Hann er
ekki nógu vel launaður til að bjóða stúlku út að dansa eða fara á krá til
að fá sér bjór með vinunum. Morgun einn vaknar hann, því að mál er
að fara í vinnuna, en þá hefur hann breyst í kakkalakka. Þetta er niður­
drepandi saga.
Nú er spurningin þessi: Gagnast þetta kerfi, sem ég hef komið mér upp,
til að meta bókmenntir? Kannski er ekki hægt að negla raunverulegt
meistaraverk á þennan kross. En hvað um Hamlet? Ég segi hiklaust að
það sé býsna gott verk. Ætlar einhver að þræta fyrir að svo sé? Ég þarf
ekki að draga nýju línu vegna þess að eins er ástatt fyrir Hamlet og
Öskubusku, að því undanskildu að kynjum er snúið við.
Faðir hans er nýdáinn. Hann er í öngum sínum. Og óðara giftist
móðir hans frænda hans sem er bölvaður óþokki. Þess vegna er Hamlet
á sama stigi og Öskubuska þegar Hóras vinur hans kemur til hans