Tímarit Máls og menningar - 01.05.2011, Side 114

Á d r e p u r
114 TMM 2011 · 2
nokkuð í þá veru. Aðferðirnar voru þær
sömu og hagsýnn bóndi notaði í daglegu
amstri.“9
Hjörleifur heldur því fram að ég
„virðist halda að [viðhald handverks­
þekkingar] séu ný sannindi og að Þjóð­
minjasafn Íslands sé annarrar skoðun­
ar.“ Og hann bætir um betur og segir að
„Þetta [sé] beinlínis rangt.“ Ég átta mig
ekki á því hvernig Hjörleifur getur kom­
ist að þessari niðurstöðu, þar sem ég
held hvorugu fram í greininni. Við lest­
ur á þessum orðum sækir hins vegar að
manni sá grunur að Hjörleifur sé hér að
nota tækifærið til þess að koma að eigin
skoðunum og slá sig til riddara en hann
hefur lýst þeim fyrir margt löngu í
skrifum sínum. Verði honum að góðu
með það.
Dylgjur um hagsmunaárekstra
Hjörleifur gerir að sérstöku umtalsefni
að ég sé stjórnarmeðlimur í Íslenska
bænum en geti þess ekki í greininni.
Gerir hann því skóna að það sé óeðlilegt
og segir hann að slíkt verði „að teljast
undarlegt í ljósi þess hvernig málflutn­
ingi [mínum sé] háttað“ (bls. 72). Þess­
um ávirðingum er á engan hátt fylgt
eftir með útskýringum á því í hverju
þessir hagsmunaárekstrar kunni að fel­
ast. Af orðum Hjörleifs má ráða að
honum finnist ég draga um of taum
Íslenska bæjarins í málflutningi mínum.
Berlín á Hofsósi í Skagafirði. Myndin er tekin fyrir 1920. Hjörleifur heldur því fram að
„[n]orðanlands [séu] miklu fleiri torfbæir ennþá uppistandandi en í nokkrum öðrum
landshluta. Þessu veldur vafalítið meðal annars þurrara veðurfar en til dæmis sunn-
anlands“ (bls. 80). Athyglisvert er að Hjörleifur leggur meiri áherslu á veðurfarslega
skýringu en menningarpólitíska í svari sínu til mín, þrátt fyrir að grein mín fjalli fyrst
og fremst um torfbæi í menningarpólitísku samhengi. En því má bæta við að menn-
ingarpólitík safna hefur í gegnum tíðina ekki séð ástæðu til þess að varðveita byggingar
á borð við Berlín en lagt þeim mun meiri áherslu á „reisuleg“ og „virðuleg“ hús úr torfi.
Mynd: Arthur Gook/Minjasafnið á Akureyri.