Tímarit Máls og menningar - 01.02.2016, Blaðsíða 21

É g g æ t i a l d r e i va l i ð e i t t o r ð
TMM 2016 · 1 21
með popp í bréfpoka, en það var sjaldgæft og hefur ekki tekið sér bólfestu
í minninu. Löngu seinna fóru bíómyndir að hafa áhrif á mig sem skapandi
höfund.
Hvernig lýsirðu þeim áhrifum?
Ég áttaði mig betur á þeim eftir á, hvað varðaði byggingu og frásagnar-
máta, það voru ekki beinlínis meðvituð áhrif. Ég hreifst til að mynda mjög af
David Lynch og myndum hans á sama tímabili og ég uppgötvaði möguleika í
samspili fegurðar og óhugnaðar, rétt eftir tvítugt, en um sama leyti kynntist
ég súrrealisma í gegnum skáldin í Medúsuhópnum.
Viltu segja mér frá þeim kynnum?
Ég kynntist Medúsuhópnum gegnum Sigurjón, Sjón, haustið 1985 en
leiðir okkar lágu saman í nokkur ár. Hópurinn var þá að umbreytast og
Smekk leysa að verða til, hljómsveitin Kukl í fullum gangi sem Einar Melax
og Þór Eldon úr Medúsuhópnum tóku þátt í. Ég upplifði því ekki starfsemi
Medúsuhópsins upp úr 1980 þegar hún var í hámarki heldur einstaklings-
bundna útgáfu á vegum Sjóns, Þórs og fleiri auk Smekkleysuútgáfunnar árin
á eftir.
Líklega hefur fátt haft jafn mikil áhrif á mig sem skapandi einstakling og
að kynnast Sjón og vinum hans á þessum tíma. Vinnuaðferðir súrrealista,
trúin á mátt draumsins, tilviljunarinnar og undirmeðvitundarinnar hafa
markað mína sköpun alla tíð síðan. Það var alveg nýtt fyrir mig að kynnast
fólki sem svo óhikað trúði á mátt skáldskapar og listar, sem gaf listsköpun
algjöran forgang, sem ætlaði sér ekki annað en að helga líf sitt skáldskapnum
og þessi afstaða var mér mikill innblástur. Skyndilega var sjálfsagt að skapa,
skrifa, að finna innri rödd farveg. Kynni mín af hópnum voru því í alla staði
frábær og mér mikill innblástur og stuðningur.
***
Viltu segja mér frá skólagöngunni eftir stúdentspróf?
Já, þá fór ég til Frakklands að læra frönsku í Aix en Provence, dvaldi einn
vetur í námi fyrir útlendinga og við undirbúning undir franskan háskóla,
þangað fór ég svo að læra það sem var kallað „Arts Plastiques“. Sú deild var
ansi fjölmenn og litla einstaklingskennslu að fá, ég fann mig ekki í náminu,
kom heim, vann í eitt ár og fór síðan í Myndlista- og handíðaskólann og
útskrifast þaðan úr Nýlistadeildinni árið 1989. Þaðan lá leiðin í tveggja ára
framhaldsnám í myndlist við Jan van Eyck-akademíuna í Maastricht í Hol-
landi.
Hvort fannst þér skemmtilegra að vera barn eða unglingur?
Barn. Eins og flestum? Mér fannst erfitt að vera unglingur af því ég var