Tímarit Máls og menningar - 01.02.2016, Síða 22

K r i s t í n Ó m a r s d ó t t i r
22 TMM 2016 · 1
óörugg, feimin, grindhoruð og roðnaði í tíma og ótíma. Bókin sem ég var
að skrifa núna fjallar að hluta til um þetta: óöryggið sem fylgir unglingsár-
unum.
Varstu félagsvera, einfari? Ertu félagsvera, einfari?
Ég mundi segja að ég væri hvort tveggja og að ég hafi jafn mikla þörf fyrir
hvort tveggja. Ég er dæmigerður introvert og þarf á því að halda að geta
verið ein og vinn best ein en það má ekki vera of mikið, þá verð ég að brjóta
tímann upp og gera eitthvað annað með fólki. Ég hef jafn ríka þörf fyrir
einsemd og fyrir nánd. Ef ég hef verið mikið ein þarf ég að hitta fólk. Væri
ég öðruvísi byggð myndi sennilega vera erfitt að vera rithöfundur.
Varstu trúuð? Ertu trúuð?
Hef aldrei verið trúuð en hafði gaman af Biblíusögunum þegar ég var
lítil og Perlubókunum og hafði mjög gaman af að mæta á fundi hjá KFUK
og hlusta á sögur af trúboðsferðum til Afríku – ég heillaðist af Afríku. Las
eina af uppáhaldsbókunum aftur og aftur, bók um Albert Schweitzer, bókin
tilheyrði ævisöguflokki fyrir börn um fræga einstaklinga: Edison, Mozart.
Ég held ég hafi aldrei spurt sjálfa mig að því þegar ég var barn hvort ég væri
trúuð. Ég gagnrýndi ekki og efaðist ekki, fermdist og fannst það sjálfsagt. Ég
er núna meðlimur í Ásatrúarfélaginu, en ekki af trúarlegum ástæðum, ég er
enn jafn trúlaus, en ef það er eitthvað þá trúi ég á náttúruna og þannig hef
ég heiðarlegt leyfi fyrir að taka þátt í félagsskapnum.
Trúirðu á kærleikann?
Ekki beinlínis, kærleikurinn er held ég óaðskiljanlegur hluti af lífinu – er
hann ekki bara lífið sjálft? Hvað væri lífið án hans?
Líklega ekki skemmtilegt en hvort þykir þér skemmtilegra að elska eða
vera elskuð?
Ég held að það sé betra að elska, ég held að það gefi manni meira sem ein-
staklingi að elska en að taka á móti ást. Að geta ekki elskað hlýtur að vera
með því versta sem til er, en að upplifa sig ástlausan er líka skelfilega sárt.
Ertu gift? Og hvað heitir eiginmaður þinn?
Já, síðan 1998. Hilmar Örn heitir maðurinn minn.
Áttu börn? Hvað heita þau og viltu segja mér hvernig þau hafa mótað þig
og haft áhrif á líf þitt?
Já, ég á tvær dætur, Sólveigu Hrönn, hún er fædd 1997 og Ernu Maríu,
hún er fædd 2003. Mig langaði alltaf til þess að eignast börn og hefði í sjálfu
sér viljað eignast börnin mín fyrr, en hlutirnir gerast þegar þeir eiga að gera
það, hvert atvik á sinn stað og sína stund. Barneignir mínar hafa mótað mig