Tímarit Máls og menningar - 01.02.2016, Page 24
K r i s t í n Ó m a r s d ó t t i r
24 TMM 2016 · 1
og finnst jafn sjálfsagt að hafa gaman af sjónvarpssápu og njóta þess að lesa
eitthvað sem ristir dýpra.
Við hvaða annað starf myndirðu kjósa að starfa?
Listmálari, garðyrkjumaður, fræðimaður og fleira – ég hef áhuga á mörgu.
Við hvað kysirðu alls ekki að vinna?
Sölumennska kemur fyrst upp í hugann.
Hvað meturðu mest í fari manneskju?
Heiðarleika – sennilega kemur það úr uppeldinu – ég held ég leggi
stundum of mikla áherslu á heiðarleika.
Hvað meturðu minnst í fari manneskju?
Tvískinnung.
Hverjir eru kostir þínir? Hvað meturðu mest í eigin fari?
Ég get ekki svarað því.
Hvað metur þú minnst í eigin fari?
Ég er óþolinmóð, hvatvís, óörugg, dómhörð, örugglega tilætlunarsöm,
en kannski ég segi bara: stopp – því ég get haldið áfram – þú sérð það:
dómharkan!
Hvað finnst þér skemmtilegast að gera?
Sama og áðan: vera úti í náttúrunni með fólki sem mér þykir vænt um,
ganga eða liggja í ilmandi laut, annars er margt sem mér þykir skemmtilegt.
Hver er hugmynd þín um (fullkomna) hamingju?
Ætli það sé ekki þegar maður getur látið það vera að velta hamingjunni
fyrir sér.
Hver er uppáhaldsliturinn þinn og blóm?
Allir jarðlitir og heitir litir. Ég á ekkert uppáhaldsblóm, hrifin af öllum
blómum.
Uppáhaldsfugl?
Lóan.
Áttu þér listrænt manifestó?
Tilgangur og merking listarinnar felst í að deila henni með öðrum.
***