Náttúrufræðingurinn - 2020, Síða 43

Tímarit Hins íslenska náttúrufræðifélags
43
vistfræðiráðsins (Nordisk kollegium för
ekologi). Hann var um tíma aðalritstjóri
Zoology of Iceland, ritröð um íslenskar
dýrategundir sem Dýrafræðisafnið í
Kaupmannahöfn (Zoologisk Museum)
gefur út. Seinustu árin hefur hefur
hann skipað eitt af þremur sætum í
ritnefnd tímaritsins.
Pétur hefur hlotið ýmsar viðurkenn-
ingar á starfsferli sínum. Auk Verðlauna
Jóns Sigurðssonar sem hann hlaut árið
2012 má nefna riddarakross hinnar
íslensku fálkaorðu og riddarakross af
Dannebrog. Árið 1987 veitti vísinda-
samfélagið honum æðsta heiðursmerki
vatnalíffræðinga, Neuman-Thinemann-
-orðuna, sem kennd er við stofnendur
Alþjóðasamtaka vatnalíffræðinga. Árið
2012 hlotnaðist Pétri sá heiður að vera
tilnefndur til Náttúru- og umhverfis-
verðlauna Norðurlandaráðs. Verðlaunin
eru veitt norrænni stofnun, fyrirtæki eða
einstaklingi sem sett hefur fordæmi með
því að samþætta virðingu fyrir umhverf-
inu í starfi sínu, eða með því að sýna
frumkvæði á annan hátt að sértækum
aðgerðum umhverfinu til góða.
Pétur er heiðursdoktor við Hafnarhá-
skóla og Háskóla Íslands og heiðursfé-
lagi í Hinu íslenska náttúrufræðifélagi.
Auk þess að vera í forystusveit vatna-
líffræðinga um langt árabil hefur Pétur
reynst ötull liðsmaður hugvísinda. Þar
ber ekki síst að nefna starf hans sem
forseta Hins íslenska fræðafélags í
Kaupmannahöfn. Það má meðal annars
þakka dugnaði Péturs og brennandi
áhuga að það tókst að gefa út í ljósprenti
öll ellefu bindi Jarðabókar Árna Magn-
ússonar og Páls Vídalíns ásamt tveimur
viðbótarbindum (1980–1988).
LOKAORÐ
Eitt er að kunna vel til verka og sinna
fræðimannsferli af alúð, og annað að
vera fær um að hagnýta vísindagögn
og niðurstöður þannig að eftir sé tekið.
Pétri hefur auðnast hvort tveggja. Fram-
lag hans til varðveislu menningar- og
náttúruarfs þjóðarinnar er bæði óeig-
ingjarnt og ómetanlegt. Frumkvöðl-
inum og eldhuganum Pétri M. Jónas-
syni eigum við mikið að þakka.
Pétur kvæntist Dóru Gunnarsdóttur
í Hellerup árið 1964 og eignuðust þau
tvær dætur, Margréti viðskiptafræðing
og Kristínu lögfræðing, báðar búsettar
í Danmörku. Lengst af bjuggu Pétur og
Dóra í Hillerød í nágrenni við Vatnalíf-
fræðistofnunina. Mikill gestagangur var
á heimili þeirra og heimboð fræðimanna
og fræðihópa tíð með fullbúnum matar-
veislum og eldamennsku af bestu gerð.
Dóra lést 2. febrúar 2018 á 92. aldursári.
Pétur býr nú í þjónustuíbúð aldraðra í
Nærum og fæst enn við fræðastörf og
málefni náttúruverndar.
Vigdís Finnbogadóttir, fyrrverandi forseti Íslands, og Pétur M. Jónasson hafa verið vinir um langt skeið. Vigdís hefur sýnt
rannsóknum Péturs mikinn áhuga og lagt honum lið með ýmsum hætti. Hún skrifaði meðal annars formála í Þingvalla-
bækur hans sem út komu 1992, 2002 og 2011. Myndin er tekin í desemberbyrjun 2018 í Veröld – húsi Vigdísar þegar
Náttúruminjasafn Íslands veitti viðtöku veglegri bóka- og tímaritagjöf úr einkasafni Péturs. Ljósm.: Álfheiður Ingadóttir.