Múlaþing: byggðasögurit Austurlands - 01.01.2013, Qupperneq 13

Útþrá og æskuslóð
eftir. En 1956 brugðu hjónin búi, m.a. vegna
heilsubrests bónda, og fluttust til Norðfjarðar.
Þetta sama sumar fluttu einnig brott hjónin
í Friðheimi, Magnús Tómasson og Karen
B. Oladóttir. Lagðist þar með af byggð í
Fjarðarbýlum.
Þannig varð Anna Olafsdóttir ein
meðal þeirra sem síðastir fóru frá
Firði. Eftir þetta dvaldi hún á
Fjórðungssjúkrahúsinu í Nes-
kaupstað og andaðist þar 16.
maí 1962, á 98. aldursári.
Anna hlaut að sjálf-
sögðu leg í kirkjugarð-
inum í Firði. Þar voru
einnig jarðsungin
sjö systkini hennar:
Sveinn, Guðrún, Jón,
Oskar, Tómas, Oli og
Jóhanna, sem lést á
fimmta ári. Ameríku-
fararnir, Einar og Guð-
mundur, báru beinin
þar vesturfrá.
Anna Olafsdóttir
í Firði var ágætlega
vel gefin. Og hún naut
góðrar uppfræðslu í æsku
eftir því sem þá var títt og
ungum stúlkum á Islandi
stóð til boða. Hún var og vel
verki farin og mikið gerðarleg
ásýndum eins og myndir bera með
sér.
Rík útþrá og sterk átthagatryggð virtust
samslungnar í skapgerð hennar. Eg sá hana
aldraða en ég man aldrei til að við ættum tal
saman. Mér virtist hún vera fremur þung í
sinni og fálát. En við þekktumst raunar ekkert
- og ég veit með sannindum að hún átti líka til
léttara yfirbragð. Það sagði mér meðal annarra
bróðurdóttir hennar, Dagmar Oskarsdóttir, að
hún hefði verið sér hlýleg, þá öldruð, og auk
þess saumað sér ljómandi fallegan sparikjól!
Frændfólk Önnu sagði mér að vel hefði
farið á með henni og ungum heimiliskennara
í Firði þegar hún var um tvítugt og að þau
hefðu stefnt að nánari kynnum. Foreldrar
hennar hefðu á hinn bóginn þvertekið
fyrir að þau ættust, Anna gerði ekki
uppreisn gegn foreldravaldinu en
lýsti því yfir að enginn skyldi
þurfa að ómaka sig í hennar
brúðkaup,- Gekk það eftir.
Tilviljun - kona að
austan, starfandi á hjúk-
runarheimili í Reykjavík,
rakst á við tiltekt biblíu í
litlu broti, merkta Önnu
Ólafsdóttur frá Firði.
Konan sendi biblíuna
austur og hún komst í
mínar hendur, þekkti
ég þá skrift Hjálmars
föður míns á nafni
Önnu. Biblían er geymd
í Firði.
Eg hef í seinni tíð
borið vaxandi virðingu
fyrir minningu Önnu
Ólafsdóttur frá Firði. Og
þess vegna hef ég skrifað
niður þessa sundurlausu frá-
sögn.
Til viðbótar fyrri heimildum
mínum, Kirkjubókum Mjóafjarðar, Dag-
bókum Benedikts Sveinssonar og munnlegum
frásögnum, hefur Ólafur Arnar Sveinsson
sagnfræðingur látið mér í té það sem hann
hefur grafið upp um æviferil Önnu Ólafs-
dóttur. M.a. um nám hennar í Reykjavík,
kennslu í Mýrasýslu, Ameríkuferð hennar
og Reykjavíkurdvöl 1927-1933.
Ekki veitti af! - Þökk sé Ólafi Arnari.
11