Múlaþing: byggðasögurit Austurlands - 01.01.2013, Blaðsíða 69

Austfirsk menning í Ijósmvndum
á hverjum stað gerðu einnig sitt til að gera
sýningarnar að veruleika, t.d. voru sveitar-
félögin Héraðsskjalasafninu innan handar
varðandi húsnæði og tækjabúnað fyrir sýn-
ingar. A öllum stöðunum söfnuðust upplýs-
ingar varðandi einstakar myndir í sýning-
unum, en af slíkum upplýsingum er mikill
fengur til að bæta skráningu mynda.
Markmið ljósmyndaverkefnisins hefurfrá
byrjun verið að setja upp sérstaka ljósmynda-
vefí með því myndefni sem skannað hefur
verið og skráð í verkefninu. Héraðsskjalasafn
Skagfírðinga reið á vaðið með opnun ljós-
myndavefs á vordögum 2012 (http://www.
skagafjordur.is/myndir). Slíkir vefír eru gjör-
breyting þegar kemur að aðgengi almennings
að ljósmyndum safnanna. Mikil ánægja er
meðal heimamanna með ljósmyndavefinn og
ekki síður meðal brottfluttra Skagfirðinga sem
nú geta aðstoðað við skráningu ljósmynda í
heimabyggð. Vefurinn er enn í þróun m.t.t.
þess að bæta aðgengi enn frekar, einfalda
leit í einstökum myndasöfn og/eða þvert á
fleiri söfn. HéraðsskjalasafnÁmesingaopnar
ljósmyndavef áþessu ári og Héraðsskjalasafn
Austfirðinga stefnir á að opna sinn ljósmynda-
vef á komandi hausti.
Rætt hefur verið um möguleika á því að
reka sameiginlegan ljósmyndavef, en rekstar-
fyrirkomulag héraðsskjalasafnanna þriggja
torveldar það. í dag standa átján sveitarfélög
að rekstri þessara þriggja héraðsskjalasafna
(átta standa að Héraðsskjalasafni Austfírð-
inga, átta að Héraðsskjalasafni Árnesinga
og tvö að Héraðsskjalasafni Skagfirðinga).
Lokaorð
Hér hefur verið fjallað um ýmis atriði varð-
andi yfirstandandi verkefni þriggja héraðs-
skjalasafna við skönnun, skráningu og birt-
ingu ljósmynda. Á þeim tveimur árum sem
verkefnið hefur staðið hefur það sannað gildi
sitt á margvíslegan hátt og mikilvægt er að
því verði fram haldið. Af nógu er að taka
og sífellt bætist við. Ljósmyndir eru menn-
ingarverðmæti sem fanga augnablik og veita
innsýn í liðinn tíma. Eftir að myndavélar urðu
almenningseign uppúr miðri 20. öld jókst
myndamagn gríðarlega. Allar þær myndir
munu þó ekki skila sér inn á söfn. En jafn-
vel þó aðeins lítill hluti þeirra verði afhentur
söfnum þá mun það skapa mikla vinnu við
skönnun og skráningu. Þá eru stafrænu myndir-
nar ótaldar, en margir hafa lýst áhyggjum af
framtíðar varðveislu þeirra.
Haustið 2012 tókst aðstandendum ljós-
myndaverkefnsins að tryggja fjármögnun þess
fyrir árið sem nú er að líða. Verkefnið heldur
því áfram þriðja árið. Sem fyrr kemur megin
fjárframlag til þess af fjárlögum ríkisins en í
ár fær Héraðsskjalasafn Austfirðinga viðbótar-
framlag frá sveitarfélögunum Fljótsdalshreppi
og Fljótsdalshéraði. Það var afar mikilvægt að
takast skyldi að tryggja áframhaldandi rekstur
verkefnsins. Af nægu er að taka þegar kemur
að myndefni til að skrá og skanna. I ár verða
líka tímamót í verkefninu en á haustdögum
er stefnt að opnun ljósmyndavefs á vegum
Héraðsskjalasafns Austfirðinga, en á honum
verða birtar myndir sem skannaðar hafa verið
og skráðar í verkefninu. Ef marka má reynslu
annarra sem opnað hafa sambærilega vefi má
gera ráð fyrir að þetta framtak muni vekja
athygli enda sýnir reynslan okkur að áhugi
fólks á myndefni er mikill.
Ég vil að lokum, fyrir hönd Héraðsskjala-
safns Austfirðinga, þakka þann fjárhagslega
stuðning sem verkefnið hefur fengið. Án
stuðnings ríkis og sveitarfélaga hefði þetta
þarfa verkefni ekki orðið að veruleika. Eins
er ærin ástæða til að þakka þeim sem á undan-
fömum árum hafa afhent myndasöfn til varð-
veislu og einnig þeim fjölmörgu sem hafa lagt
okkur lið við að bera kennsl á myndefni og
hvatt okkur til dáða að halda starfmu áfram.
67