Andvari - 01.01.2014, Blaðsíða 47

ANDVARI
LÚÐVÍK JÓSEPSSON
45
urðu þau að Eysteinn fékk 1106 atkvæði, Ingvar Pálmason 1000,
Lúðvík 414 og Arnfinnur 364. Framsókn fékk því báða þingmenn-
ina eins og fyrr. Kosningar fóru svo fram aftur haustið 1942 eftir
nýrri kjördæmaskipan; Sósíalistaflokkurinn var á blússandi siglingu
í landinu öllu og varð í fyrsta sinn stærri en Alþýðuflokkurinn.
Lúðvík og lærimeistarinn Arnfinnur voru aftur í framboði saman.
Lúðvík í fyrra sætinu. Persónukosningar höfðu verið afnumdar.
Framsóknarflokkur fékk þá 1257 atkvæði með Eystein í baráttusæti,
Sjálfstæðisflokkur 543 atkvæði, Sósíalistaflokkur 548 atkvæði og
Alþýðuflokkur 245 atkvæði. Framsókn hlaut því báða þingmenn kjör-
dæmisins eins og áður. Sósíalistaflokkurinn varð að vísu aðeins stærri
en Sjálfstæðisflokkurinn og Lúðvík Aðalsteinn Jósepsson var orðinn
alþingismaður.86 En „bara“ landskjörinn.
Þess má svo geta að næstu kosningar fóru fram 1946. Þá var kosið
eftir flokkum og fékk Framsókn 1296 atkvæði, enn með Eystein í
baráttusæti, Sjálfstæðisflokkur 505, Alþýðuflokkur 231 og Sósíalista-
flokkurinn 714. Annar maður Framsóknarflokksins var því með 648
atkvæði og lægri en Lúðvík. Hann varð þar með annar af tveimur
kjörnum þingmönnum Suður-Múlasýslu. „Sigur minn var talinn mikill
og því er ekki að neita, að mér þótti ekki lakara að hafa sigrað slíkan
mann sem Eystein Jónsson, en við hann hafði ég glímt lengi.“87 Og við
hann glímdi hann lengi enn. En þess verður að geta að Lúðvík lá alltaf
gott orð til Eysteins í tali og einnig í þeim punktum sem hann lætur
eftir sig og oft hefur verið vitnað til. Sigurinn var fólginn í því að fram-
bjóðandi Sósíalistaflokksins varð seinni þingmaður Suður-Múlasýslu.
Hinn var Ingvar Pálmason sem var í fyrra sæti Framsóknarflokksins.
Eysteinn tapaði því í þessum slag við Lúðvík Jósepsson. Það voru mikil
tíðindi að Eysteinn skyldi ekki ná kjöri. Hann kom svo inn á þing í lok
ársins er Ingvar Pálmason lést.
En semsé: 1942 um haustið er fyrrverandi formaður Kommúnista-
deildarinnar í Neskaupstað kominn á þing. Nýtt svið opnast; sviðið
sem birtist í Jónshúsi í Norðfirði í fyrstu línum þessara skrifa lokast, en
gleymist þó aldrei þessum snjalla unga stjórnmálamanni. Hann sigraði
aldrei sína heimasveit; hann langaði heldur ekki til þess því hann var
hluti af henni og hún af honum. Alltaf. Næsta svið er Alþingi við
Austurvöll í Reykjavík.
Eftir seinni kosningarnar 1942 blasti við stjórnarkreppa. Stóru
flokkarnir, Sjálfstæðisflokkur og Framsóknarflokkur, notuðu hin