Úrval - 01.12.1971, Side 90

88
ÚRVAL
jarðar, og kringum miðkjarnann átti
að verða grænt belti og íbúðarhverfi
fyrir um 20.000 manns, alls ekki
fleiri. Sérhvert heimili skyldi verða
sjálfstæð eining, sem væri sjálfri
sér nóg, þ.e. útbúið með eigið afl-
stöð, en samt tengd miðstjórnarkerfi
með innbrotsþjófnaðar- og eldsvoða-
neyðarkallkerfi og einnig neðanjarð-
arsorpflutningakerfi.
„Hugsið ykkur bara!“ sagði hann.
„Borgin yrði laus við mengun, því
að loftslaginu í henni yrði aigerlega
stjórnað. Yfir henni yrði eins konar
veðurst j órnarh volf þak. ‘ ‘
„En Walt,“ maldaði Joe Potter,
varaforstj óri Disneysamsteypunnar,
í móinn, „það mundi kosta hundruð
milljóna dollara!“
Brún augu Disneys gneistuðu.
„Joe,“ spurði hann, „geturðu ekki
haft hugann við aðalefnið og hætt
að hugsa um smáatriðin?"
Þessi athugasemd var einkenn-
andi fyrir Disney. Alla sína ævi
hafði Walter Elias Disney dreymt
slíka drauma, og hann hafði sjaldan
staldrað við til þess að íhuga og
reikna út kostnaðinn af uppfyllingu
drauma þessara. Frá kvikmyndaveri
hans í Kaliforníu höfðu streymt 534
stuttar teiknimyndir, 44 stuttar
kvikmyndir með lifandi leikurum,
47 fræðslu- og auglýsingamyndir og
83 kvikmyndir í fullri lengd, en 18
þeirra höfðu verið teiknimyndir
eingöngu. Á þessu eina ári, árinu
1965, höfðu 6 milljónir manna eytt
einum degi í skemmtigarði hans,
Disneylandi, rétt við Los Angeles í
Kaliforníu. 21 milljón manna höfðu
heimsótt Disney-sýningarnar á
heimssýningunni í New Yoi'k. Á ári
hverju greiddu 180 milljónir manna
aðgöngueyri til þess að sjá Disney-
kvikmynd, og 100 milljón manna
lásu Disney-sögur í tímaritum og
sérstökum bókum. f viku hverri
fylgdust 250 milljónir manna með
Disney-teiknimyndasögum, og fólk
í 70 löndum horfði á Disney-þátt í
sjónvarpinu. Áhorfendur mynda
hans námu samtals billjónum. Sem
meistari á sviði ímyndunaraflsins og
ævintýranna og sköpuður goðsagna-
kenndra teiknipersóna hafði hann
snortið líf fleiri jarðarbúa en nokk-
ur maður í gervallri mannkynssög-
unni.
Hann var tákn heillar iðngreinar,
fyrirtækjasamsteypu, sem grund-
vallaðist á draumum. Og enginn
persónanna, sem hann skapaði, hafði
samt lifað lífi, sem var eins auðugt
á sviði ímyndunaraflsins og líf Walts
Disneys sjálfs.
FYRSTI ÆVINTÝRAHEIMURINN
Þegar Walt var fjögurra ára gam-
all, tók Elias Disney, faðir hans,
ákvörðun, sem átti eftir að hafa
geysilega þýðingu fyrir framtíð
drengsins. Þetta var í aprílmánuði
árið 1906. Elías Disney var trésmið-
ur að atvinnu og átti drjúgan þátt í
að byggja upp hverfið í kringum
kirkju Congreationalsafnaðarins við
Tripp Avenue í Chicago. Hann var
virðulegur og trúaður maður og
hélt hvildardaginn jafnan strang-
lega heilagan. Þegar opnaðar voru
þrjár vínkrár nálægt heimili hans,
fylltist hann mikilli reiði. „Þessi
borg er ekki hæfur staður til þess að
ala upp börn á,“ sagði hann við
Floru, eiginkonu sína. Og brátt