Goðasteinn - 01.03.1968, Blaðsíða 44

dag kom ég að Hrólfsskála. Þar var ég tvær vertíðir og fékk ég í
kaup 18 krónur fyrir hvora vertíð.
Mér féll mjög vel við hjónin í Hrólfsskála, Pétur og Guðlaugu.
Náttúrlega urðu mér á ýmsar skyssur, og segir þá Pétur með mestu
rólegheitum við okkur strákana, en við vorum tveir til snúninga:
„Þetta eigið þið nú að sjá, þið eigið ekki að láta þurfa að segja
ykkur þetta.“ Ég festi mér í minni þessi orð, og ég held, að ég hafi
haft gott af þeim þó þau væru ekki fleiri. í Hrólfsskála fékk ég nóg
að borða og átti gott atlæti. Vinnan var að fara til Reykjavíkur á
hverjum degi með mjólk í ákveðin hús. Farartækið var smávagn,
álíka og barnakerra, og dró ég vagninn eða ýtti honum á undan
mér. Mjólkin var í flöskum og einum brúsa og mældi ég úr honum
með þar til gerðu máli. Einnig fór ég með rauðmaga, þegar hann
fór að veiðast, og fór hús úr húsi og bauð hann fyrir io til 12 aura
stykkið.
Það var í einni af mjólkurferðum mínum til Reykjavíkur, ég var
að fara vcstur Túngötuna og dró á eftir mér vagninn. Gatan var
dálítið brött, oft blaut og þar eftir óslétt, allt í einu missi ég vagn-
inn úr höndum mér, fer hann á hvolf og öll mjólkin í götuna. Mér
varð mjög illa við en gat ekkert að gert, og varð ég að fara heim
við svo búið og var víst heldur óburðugur, er ég kom inn í eld-
húsið og scgi minni góðu húsmóður mínar farir ekki sléttar. Hún
tók því mjög rólega og vítti mig ekkert heldur hughreysti mig. Eitt
af því, sem við strákarnir vorum látnir gera, var að veiða grá-
sleppu og rauðmaga, cg fór Pétur með okkur til að byrja mcð.
Eitt sinn segir Pétur okkur, að nú ætli hann að láta okkur vitja um
netin en sjálfur segist hann verða í landi að gera við veiðarfæri
með Jóni á Bakka og muni þeir sjá til okkar. Ég held að Jón á
Bakka hafi verið mágur Péturs, báðir gamlir sjógarpar. Jón var
gamansamur og ég heid mesti glæringi. Nú fórum við og tókum
bátinn og komumst á flot, finnum duflið, drögum netin og fáum
dálitla veiði, leggjum svo netin aftur, og þá var næst að róa í land.
En þá hvessir allt í einu og eigum við alveg beint á móti. Við vor-
um óvanir og kunnum ekki sem bezt áralagið, rerum sinn á hvort
borð cg gckk lítið, en samt komumst við í vörina og þóttumst
meiri menn fyrir. Þegar í land kom segir Pétur að þeir hafi ætlað
42
Goðasteinn