Tíðindi Prestafélags hins forna Hólastiftis - 01.01.1975, Page 46

49
PRESTSSTARFIÐ
á fætur, því að 3. júní 1922 andaðist hann, liðlega hálfum
mánuði eftir að ég vígðist til starfsins.
Hvenœr varst þú vígðurf
Ég var vígður á Krossmessu vorið 1922. Hjúin réðu sig í
vistir frá Krossmessu hér áður fyrr meir. Þú veizt að Kross-
messan er 14. maí.
Fórstu fljótt norður og hvernig hagaðir þú þeirri ferð?
Strax að vígslu þeginni fór ég að hafa mig til ferðar norð-
ur. Sjálfsagt hefi ég verið búinn að gera nokkrar ráðstafan-
ir fyrir ferðina áður. Ég man nú ekki glöggt allt um það.
Skipsferð hefir trúlega engin verið sem heppileg gat talizt
milli Reykjavíkur og Húnavatnsþings á þessum tíma. Þá
var ekki um annað að gera en fara ríðandi eða gangandi að
slepptri skipsferð. Ég mun hafa gert ráðstafanir til þess að
fá hest með pósti til Borgarness. Það var raunar ekki bein-
línis um póstsendingu að ræða, heldur var landpósturinn
milli Akureyrar og Borgarness beðinn að hafa hestinn með
pósthestalestinni suður.
Hvað tók svo langan tíma að fara úr Borgarnesi norður
i prestakallið?
Ætli það hafi ekki verið um það bil 2 dagar rúmlega, sem
ég var þessa 200 km leið úr Borgarnesi að Ási í Vatnsdal.
Ég átti heimili í Ási fyrsta sumarið mitt í prestsskapnum. Sr.
Bjarni átti að sjá mér fyrir samastað. Hann sat auðvitað sjálf-
ur á prestssetrinu Steinnesi. í Ási var heimili Ólínu hjá
tengdafólki mínu.
Ekki hefir þú verið alveg sjálfráður um hvernig þú hag-
aðiy störfum, þar sem þú varst aðstoðarprestur og sóknar-
presturinn hefir sjálfsagt viljað hafa hönd i bagga og ráða
nokkru um starfið?
Að sjálfsögðu átti hann að hafa alla forsögu um hvernig
ég sneri mér að starfinu og fór ég þess vegna hið fyrsta ég
gat eftir heimkomuna að finna sr. Bjarna og ráðgast urn
hvernig messuáætlunin væri og hvar ég ætti að byrja að
messa.