Tíðindi Prestafélags hins forna Hólastiftis - 01.01.1975, Page 47

PRESTSST ARFIÐ
50
Messuáœtlunin? Hvaða forskrift var það? Kom hún frá
kirkjuyfirvöldum?
Nei. í þann tíð gjörði presturinn við upphaf árs eða við
upphaf starfsins í sóknum prestakallsins áætlun, um það
á hvaða dögum hann messaði á hverri kirkju. í Þingeyrar-
klaustursprk. t. d. bar að messa á hverri kirkju 3ja hvern
helgan dag og þegar rciðin var komin á vissi fólkið hvaða
messudaga kirkja þeirra átti. Eg byrjaði á Undirfelli 6.
sunnudag e. páska, 28. maí, og flutti þar mína fyrstu guðs-
þjónustu. Næsta helgan dag, hvítasunnudag 4. júní, messaði
ég á Þingeyrum daginn eftir lát sr. Bjarna. Annan hvíta-
sunnudag messaði ég svo á Blönduósi og þá var keðjan kom-
in á. Messuröðin hélst svo þannig áfram til að byrja með og
ég hafði einn alla ábyrgð á starfinu í prestakallinu eftir lát
sr. Bjarna.
Hvernig var að hafa samband við sóknarbörnin ef ein-
hverju þurfti að breyta?
Ef samband þurfti að hafa við sóknarbörnin var það gjört
með því að senda orðsendingu með áreiðanlegum manni,
sem á ferð var, ef til náðist eða beinlínis senda sendiboða
gangandi eða ríðandi. Það var ekki hægt að síma sálmanúm-
erin t. d. til organistans eins og nú er gjört, því að sími var
aðeins á 3 til 4 stöðum í prestakallinu.
Starfið hefir verið fólgið i fleiru en því að halda messu-
áuetlun í prestakallinu?
Já. Eiginlega er hægt að segja að tvenn aðalstörf önnur
hafi verið fastmörkuð í verkahring sóknarprestsins. Það var
húsvitjunin. Það er bezt að segja frá henni fyrst. Á hverju
hausti, sjálfsagt oft nær því í fjórar vikur eftir því sem tíð og
aðrar aðstæður leyfðu, ferðaðist presturinn um prk. og kom
á ()11 heimilin. Manntalið var skráð. Börnin og unglingarnir
voru prófuð í fræðum, skulum við segja. Eiginlega fór æsku-
lýðsstarfið fram í húsvitjuninni, Börnin og unglingarnir
kynntu sér versin sín og ég sagði þeim frá versum, sem mér
fannst hollt fyrir þau að kynna sér. Á fyrstu árunum í prests-