Tíðindi Prestafélags hins forna Hólastiftis - 01.01.1975, Qupperneq 120

m
FRÉTTIR
göngu um lausn og svar? Megnar kirkjan að kalla hina
mörgu heim úr útlegð sinni? Er rödd hennar nægilega skýr
til þess, nógu ótvíræð, djörf og hlý? Erum vér sem boðum
£>g kennum, heilir og sannir gagnvart lífsins orði og Drott-
ins anda? Vér lifum vitjunartíma. Það er mér ekki efamák
Gefum því gaum og verum viðbúnir. Látum uppbyggjast,
Jesús lifir. Hann vekur og starfar með óræku móti víðsveg-
ar í samtíðinni. Jesús er lífið. Og hann skal ríkja unz allt
er lagt að fótum hins eina eilífa, sanna Guðs.“
Aðalfyrirlesari á prestastefnunni var séra Harakl Sigmar
prestur í Vesturheimi. Sagði hann frá reynslu sinni í prests-
starfinu, og vöktu erindi hans óskipta athygli. — I sambandi
við prestastefnuna hélt Prestkvennafélagið og Prestafélag
íslands aðalfundi sína.
Pípuorgel kirkjunnar á Svalbarðsströnd
íbúar á Svalbarðsströnd hlúa vel að kirkju sinni. Nýjasta
dæmi þess er pípuorgelið, sem komið er í kirkjuna og var
vígt með guðsþjónustu, sunnudaginn 10. nóvember, þar sem
sóknarpresturinn séra Bolli Gústavsson í Laufási messaði.
Pípuorgelið er norskt og kostaði um tvær milljónir króna,
en í söfnuðinum eru um 200 manns. Gera þurfti breytingu
á sönglofti til að koma orgelinu fyrir. Organisti kirkjunn-
ar er frú Gígja Kjartansdóttir Kvam, og lék hún á orgelið,
en söngkór kirkjunnar söng. Mikil ánægja ríkir yfir þessu
nýja og ágæta hljóðfæri. Mikið af kaupverði orgelsins er
ógreitt, og fer fram fjársöfnun til að standa skil á því, sem
ógreitt er. Formaður sóknarnefndar er Kjartan Magnús-
son í Mógili, en safnaðarfulltrúi Sigmar Benediktsson á
Svalbarðseyri.