Tíðindi Prestafélags hins forna Hólastiftis - 01.01.1975, Page 139

FRÉTTIR
142
fagran, eftir 40 ára dvöl við djúpbláan sæ við Vestmanna-
eyjar. Var skírt barn, afkomandi þeirra Miðgilshjónana.
Hilmar Frímannsson á Fremstagili ásamt sóknarpresti þökk-
uðu gjöfina. Gjöf þessi var kærkomin sóknarbúum en áhugi
er meðal þeirra að láta fara fram gagngerðar viðgerðir á
hinu reisulega guðshúsi Holtastaðakirkju. Hefur kvenfé-
lag Engihlíðarhrepps sýnt því máli lofsverðan áhuga.
Hofskirkja.
Þann 2. júlí 1973 var Hofskirkju gefinn skírnarfontur af
Margréti Björnsdóttur frá Örlygsstöðum, er hann úr Ma-
honi útskorinn af Sveini Olafssyni með rósabekk á fæti og
á efstu brún kringum skírnarskál, sem er úr kristal og er
ofaní silfurgreiptri skál úr búi Örlygsstaðahjóna þeirra
Björns Guðmundssonar og Sigurlaugar Kristjánsdóttur. Á
súlufót skírnarfontsins er skráð: Minningargjöf um Ara
Einarsson frá M.B. Ari Einarsson var fæddur 5. desember
1896 á Kálfshamri, hann andaðist 20. febrúar 1959, hann
var maður Margrétar Björnsdóttur. Var skírt barn, Vil-
hjálmur að nafni.
Höskuldsstaðakirkja.
Þann 27. nóv. 1973 gaf kvenfélag Höskuldsstaðasóknar
Hólaneskirkju skírnarfont, gerðan af Sveini Ólafssyni mynd-
skera, til minningar um látnar félagskonur. Er fonturinn
skorinn úr birki og skrautlega gerður.
Pétur Þ. Ingjaldsson.