Tíðindi Prestafélags hins forna Hólastiftis - 01.01.1975, Qupperneq 149

FRÉTTIR
152
ingar um foreldra sína. Tilkynnt var að frú Ólöf Pálsdóttir,
myndhöggvari, og dr. Jens Pálsson, hyggðust gefa lágmynd
eftir Ólöfu til minningar um móður þeirra frú Hildi Stef-
ánsdóttur er fædd var á Auðkúlu. Nokkrir aðrir tóku og til
máls.
Athöfnin var fjölmenn og komu allmörg burtflutt sókn-
arbörn víðsvegar að, til þess að minnast þessa áfanga í sögu
kirkjunnar.
Árni Sigurðsson.
Kirkjukór gengur á Helgafell
Kirkjukórinn á Skagaströnd hefir þann sið að fara árlega
í skemmtiferð. Sunnudaginn 2fi. júní 1970 fór kórinn til
Stykkishólms. Farin var Laxárdalsheiði, skoðaðar kirkjurnar
í Hjarðarholti og Helgafelli og gengið á Helgafell.
Gerðu menn þar bæn sína í birginu á fellinu, tóku síðan
höndum í kring um það og lásu Faðir vor. Fagurt var á
Helgafelli að líta hauður og haf og heiðan himinninn í sólar-
dýrð. Fóru menn síðan í Hólminn og skoðuðu kaþólska
klaustrið og kapellu, síðan var farið út í Klakksey á Breiða-
firði og heim á leið síðla kvölds. Formaður kórsins er Þor-
gerður Guðmundsdóttir en organisti Kristján Hjartarson.
Sunnudagaskólinn á Skagaströnd og nágrenni og Æsku-
lýðsfélagar í Hólaneskirkju hafa ýms verkefni að vinna til
gagns og gleði fyrir sóknarfólkið. Fyrir ein jólin bauð
sunnudagaskólinn öldruðu fólki til Hólaneskirkju og færði
því grenigreinar í tilefni hátíðarinnar. Stúlkur úr æsku-
lýðsfélaginu færðu heimilum sunnudagaskólabarna bakka,
er þær höfðu gert úr hörpudiskum. Auk prófastshjónanna á
Skagaströnd starfar Páll Jónsson að æskulýðsmálum.