Tíðindi Prestafélags hins forna Hólastiftis - 01.01.1975, Page 164

167
FRÉTTIR
Fréttir úr Staðarfellsprestakalli
Þrjár kirkjur heyra undir Staðarfellsprestakall. Lundar-
brekka í Bárðardal, Ljósavatn og Þóroddsstaður í I.jósa-
vatnshreppi.
Lundarbrekkukirkja var byggð á árunum 1879—80 en
vígsla hennar fór þó ekki fram fyrr en komið var undir jól
árið 1881. Kirkjan er gott hús enda vel til hennar vandað.
Var hún byggð úr höggnum sandsteini ,sem fluttur var á
hestasleðum yfir ísilagt Skjálfandafljót. í kirkjunni er alt-
aristafla eftir Ásgrím Jónsson listmálara. Kirkjan rúmar
rúmlega 100 manns í sæti og er því nægilega stór fyrir söfn-
uðinn enn þann dag í dag.
Ljósavatnskirkja var byggð árið 1892 úr timbri. Raunar
var smíði hennar aldrei lokið, því ráðgert var að byggja
bæði kór og fordyri við kirkjuskipið sem enn stendur.
Kirkjan rúmar rúmlega 100 manns í sæti. í henni er dönsk
altaristafla gefin til kirkjunnar árið 1927. Endurbót fór
fram á kirkjunni árið 1960, var hún máluð og litað gler sett
í glugga. — Það hefur lengi verið draumur bæði heima-
manna og annarra, er bera hag kirkjunnar fyrir brjósti, að
á Ljósavatni mætti rísa veglegt guðshús í minningu Þor-
geirs lögsögumanns. Stefnt er að því, að sá draumur geti orð-
ið að veruleika í það minnsta fyrir árið 2000 en helst þyrfti
það að verða miklu fyrr því gamla kirkjan er komin að fót-
um fram.
Þóroddsstaðakirkja var reist á árunum 1885—86 úr timbri.
Rúmar hún liðlega 100 manns í sæti. I kirkjunni er gömul
íslensk altaristafla, máluð af Sveinunga Sveinungasyni. Þá
er þar og gamall prédikunarstóll með ártalinu 1791 smíðað-
ur af Ara Ólafssyni á Skútustöðum. — Kirkjan er orðin
mjög lasin þrátt fyrir það að henni hafi verið haldið við eft-
ir föngum. Munar þar mest um grunninn senr er mjög