Morgunblaðið - 03.05.2000, Síða 41

MORGUNBLAÐIÐ
MIÐVIKUDAGUR 3. MAÍ 2000 41
LISTIR
Eins og
leikur einn
t ... Ljósmynd/Halldór Bjöm
Hluti af upphengi Sigurðar Arna í Galerie Aline Vidal í París.
MYNDLIST
Galerie Aline V i d a I,
París, 6. hverfi
MÁLVERK-SIGURÐUR
ÁRNI SIGURÐSSON
Sýningu lokið.
SIGURÐUR Árni Sigurðsson
hefur óneitanlega vakið athygli
fyrir nýjustu verk sín hjá Aline Vi-
dal. Galleríið sem er staðsett í
sjötta hverfi Parísar, númer 70 við
Rue Bonaparte, er í hópi þeirra
markverðustu á vinstri bakkanum.
Þeir sem kaupa fötin sín hjá
Cacharel og Max Mara geta varla
gengið framhjá Aline Vidal án þess
að rekast inn í portið þar sem sýn-
ingarsalurinn blasir við fannhvítur
og forvitnilegur fyrir endanum.
Innan hárra veggja á tveim til
þremur hæðum hefur Sigurður
Arni komið fyrir málverkum sínum
af skífum á stilkum. Sumpart virk-
ar mótífið eins og leikur, nánar til
tekið lúdó, en sömuleiðis má skoða
það sem sameindakerfi eða efna-
fræðilega skýringarmynd. Flest
verkin og jafnframt þau nýjustu
sýna þessi kerfi líkt og horft væri
ofan á þau. Að vísu eru eitt eða tvö
verk af sama toga og þau sem Sig-
urður Arni sýndi í Feneyjum síð-
asta sumar. Þar er sjónarhornið
mun lægra, grunnurinn málaður
og skífurnar snöggtum stærri en í
nýju myndunum.
Nú svífa skífurnar og stilkarnir
Nýjar plötur
• TÍMINN líður heitir afmælis-
plata Rangæingakórsins í Reykja-
vík, en kórinn er 25 ára. Efni plöt-
unnar er sótt í smiðju íslenskra
laga- og ljóðahöfunda ásamt ís-
lenskum þjóðlögum og hefur m.a.
að geyma sönglög sem aldrei hafa
verið gefin út áður á hljómdiski,
segir í fréttatilkynningu. Það eru
lög eins og Rangárþing eftir
Björgvin Þ. Valdimarsson og ný
útsetning á lagi Torfa Ólafssonar,
í musterinu, fyrir kór, einsöngv-
ara, píanó og þverflautu.
Einsöngvarar með kórnum eru
Kjartan Olafsson, Gissur Páll Giss-
urarson og Elín Ósk Óskarsdóttir.
Hólmfríður Sigurðardóttir leikur
undir á píanó og Maríanna Más-
dóttir leikur á þverflautu. Stjórn-
andi Rangæingakórsins í Reykja-
vík er Elín Ósk Óskarsdóttir.
Útgefandi er Fermata. Hljóðrit-
un fór fram í Fella- og Hólakirkju
nú í vetur á vegum Halldórs Vík-
ingssonar. Verð: 2.199 kr.
að því er virðist yfir hörgráum
fletinum eins og óreglulegt en
staðlað mynstur því Sigurður Árni
dregur fram skugga þeirra á ómál-
uðum grunninum. Þessi sjónhverf-
ing leysir myndefnið úr tengslum
við grunninn svo það virkar nánast
sem geimstöð svífandi yfir eyði-
legri plánetu.
Eitt hið merkilegasta við mál-
verk Sigurðar Árna er hve einfalt
það er, en flókið um leið. Blekking-
in sem felst í skuggamynduninni
er til marks um áhyggjuleysi lista-
mannsins gagnvart gömlu kredd-
unum sem héldu vöku fyrir
abstraktkynslóðinni á sjötta ára-
tugnum. Þá mátti ekkert sjást sem
hugsanlega var reist á sýndar-
grunni. Allt átti að vera konkret -
hlutrænt - þótt menn stæðu löngu
síðar frammi fyrir þeim rökum að
list getur aldrei verið konkret,
sökum þess að hún er aldrei prakt-
ísk. Áþreifanleikanum er nefnilega
ætíð ofaukið. Listsköpun er ætíð
blekking og getur aldrei orðið ann-
að, hversu þungt, traust og tröll-
aukið sem listaverkið er. Meiri
steinsteypa skapar ekki raunhæf-
ari list heldur einungis þyngra
verk í kílógrömmum talið.
Verk Sigurðar Árna eru abstra-
ktlist eftir tilkomu netveruleikans.
Efnistökin eru naumhugul í
merkingunni stöðluð og byggja
með sínum hætti á þeim tilbúnu
eigindum sem finna má í oplist
sjötta og sjöunda áratugarins.
Ef staðsetja ætti listamanninn í
litrófi eftirmódernískrar listar má
greina töluverðan skyldleika með
Fyrirlest-
ur um
kirkjuna
GEIR Waage, prestur í Reyk-
holti, heldur fyrirlesturinn
Reykholt og staðamál í kvöld,
miðvikudagskvöld, kl. 21 í safn-
aðarsal Reykholtskirkju.
Geir mun gera grein fyrir
helstu dráttunum í þróun
kirkjunnar frá einkakirkju
goðaveldis til biskupakirkju
síðmiðalda, en arfleifð hvors
tveggja má finna í stofnunum
íslensku þjóðkirkjunnar enn í
dag. Hann mun greina frá
helstu ágreiningsatriðum í
þeirri deilu, sem kölluð er
staðamál og rekja fáein brot úr
sögu Reykholts og bera við
þessi mál allt til dagsins í dag.
Aðgangseyrir er 400 kr.
Sigurði Árna og þeim Philip
Taaffe, Christopher Wool og Peter
Schuyff. I stað þess að forðast
sjónhverfinguna - trompe l’il-eff-
ektinn alræmda sem módernism-
inn sór að afhjúpa og uppræta -
vinnur Sigurður Árni með hana
sem aukavídd andspænis fullkom-
lega náttúrulegum gildum hins
hráa striga. Ef til vill hefði Marcel
heitinn Duchamp málað svona ef
hann hefði þurft að afhjúpa alvöru
abstraktlistarinnar.
Halldór Björn Runólfsson
Notaðar búvélar
á kostakjörum
Vissir þú að við eigum mikið úrval
notaðra búvéla?
Mikil verðlækkun.
Hafið samband við sölumenn okkar sem fyrst.
Ingvar
Helgason hf.
Sœvarhöföa 2 - Stmi 525 8000 - Beinn sími 525 8070
Fax: 587 9577-www.ih.is - Véladeild - E-mail: veladeild@ih.is
Þú kemst þangaö sem þig langar og getur gert þaö sem þú vilt á Trek, Gary Fischer og Klein
hjólunum trá Erninum. Traustbyggö og vönduö hjól fyrir þá sem kalla ekki allt ömmu sína.
Skeifunni 11 - Sími 588 9890 - Veffang orninn.is Opiökl. 9-18 virka daga og kl. 10-16 laugardaga