Skírnir - 01.01.1907, Page 50

50
Rembrandt.
þau beztu vinir og unnu í sameiningu fyrir meistaranum
þegar gjaldþrot og fátækt kreptu að honum.
Hið eina sem bendir til þess, að Rembrandt ef til
vill hafi átt Hendrickje eftir á er það, að ættingjar Saskiu
fóru í mál út úr Titusar og heimtuðu, að Rembrandt hætti
að vera fjárhaldsmaður hans, en eftir erfðaskránni átti
hann að vera það ef hann giftist ekki aftur, eins og fyr
hefir verið sagt. Málinu lauk svo, að 17. d. maim. 1656-
var Jan nokkur Verbout settur fjárhaldsmaður Titusar,.
enda hafði faðir hans aldrei verið neinn góður búhöldur
eða reikningshaldari. Skömmu eftir varð Rembrandt gjald-
þrota og skuldheimtumenn hans þrengdu að honum á alla
vegu. Samt hélt hann áfram að búa í húsinu sínu þang-
að til í desember 1657 og sýnist heimilislíf lians hafa
verið farsælt, þrátt fyrir fátæktina, og samkomulagið hið'
bezta. Rembrandt varð að viðurkenna, að hann var illa
fallinn til að ráðstafa peningum, og í erfðaskrá þeirri,
sem Titus gjörði um þessar mundir, þá arfieiddi hann
Hendrickje og dóttur hennar Corneliu *), en þó með þeim
skilmála að þau ælu önn fyrir föður hans.
I byrjun ársins 1658 varð Rembrandt að flytja úr
húsi sínu; skuldheimtumennirnir tóku alt sem hann átti, og
ekki að vita hvernig farið hefði fyrir honum ef hin trygga
Hendrickje hefði ekki gjört síðustu tilraunina til að koma
heimilinu á laggirnar aftur. I félagi við Titus setti hún
á stofn litla verzlun með myndir, glysvarning og forn-
gripi, en til þess að skuldheimtumenn Rembrandts skyldu
ekki geta tekið neitt af þeim, var Rembrandt sjálfur ekkert
við verzlunina riðinn, nema sem ráðanautur og svo að
hann dró upp myndir og málverk, sem þau seldu, en
þau lögðu til efnið: léreft, pappír, liti o. s. frv. Var
mjög vel um hnútana búið, og er líklegt að lögfróðir menn
*) Rembrandt og Hendrickje áttu tvær dætur, en önnur dó kornung.
Cornelia var bið eina af börnum Rembrandts, sem lifði föður sinn.
Hún giftist og fór til Java; þar átti hún tvo syni, sem voru látnir
heita í höfnðið á foreldrum hennar: Rembrandt og Hendrick.