Skírnir - 01.01.1909, Qupperneq 38

38
Ur ferðasögu.
Englandi, þar sem járnbrautirnar eru allar i gróðafíknum ein-
staklingshöndum, til mikils meins fyrir þjóðfélagið að dómi
merkra manna. Eins er að mestu í Bandaríkjunum, þar sem
talið er, að þrisvar sinnum fleiri járnbrautarslys verði að tiltölu
en á Þýzkalandi, mest vegna þess að járnbrautarliðið fær ekki
nóga hvíld. Ofauðungarnir vilja ekki skerða tekjur sínar með
því að halda nógu margt fólk. Fær fyrir það margur hroðaleg-
an dauðdaga, beinbrotnar íyrst én brennur svo lifandi þegar
kviknar í vagnarústunum. Þekkja menn naumast hörmulegri
slys en þau sem of oft verða á járnbrautaferðum. Sú er nú
ranghverfan á því að setja Loga fyrir ferðina, hann orkar meiru
en nokkur hestur, en það er líka meira í húfi ef nokkuð ber
útaf og taumhaldið missist.
2.
Mlinchen er á stærð við Kaupmannahöfn, eða liklega öllu
fólksfleiri (rúm l/2 núljón ibúa) og er einkum fræg fyrir bjór
sinn og listir; listabær mestur á Þýzkalandi, og að því er ölið
snertir, á Miinchen sjálfsagt engan sinn líka um víða veröld.
I öðrum stórbæjum, og einkum á mjög háu stigi í Paris, er
allstaðar verið að auglýsa bjór frá Míinchen, og Pscliorr Bráu,
Löwenbráu o. s. frv. eru heimsfrægir drykkir. Bæverjar hafa
kunnað að gera, ef ekki mat, þá drykk úr bygginu sinu, en það
þrífst bezt korntegunda hjá þeim, þvi að landið liggur nokkuð
hátt, Munchen 530 m yfir sjávarmál, líkt og hálendi Isl.tnds
víða, með söndum og auðnum.
Vísindabær er Munchen allmikill; þar hafa verið ágætis
jarðfræðingar eins og Gi'imbel og Zittel, og þar var Penck, er
hann hóf sínar frægu rannsóknir á isaldamenjum Alpafjallanna;
og þar var Islandsvinurinn Konrad v. Maurer.
Konungar í Bæverjalandi hafa verið mjög listelskir sumir,
látið reisa hvert stórhýsið af öðru fyrir listasöfn og hlynt mjög
að listamönnum. enda hafa ágætir málarar og aðrir listamenn
safnast til borgarinnar. Og segir þó hér ekki af söfnum þess-
um, þar eð lítill tími vanst til að skoða þau. Á myndasýn-
ingu þar voru tvö að mér virtist rnjög vel gerð málverk frá
Islandi, bæði úr Mývatnssveit, eftir F. Lissmann, Hamborg.