Skírnir - 01.01.1909, Page 46

Vistaskifti.
Nokkurir smáþættir eftir
ElNAR HJÖRLEIF8SON.
V.
Eg var að sækja vatn. Og mér fundust berar hend-
urnar ætla af mér.
Útmánaða-sólin réð ekki við neitt.
Dalurinn var ekkert annað en snjór. Út og suður
snjór; uppi í fjallinu og niðri við ána snjór; háir snjó-
skaflar upp að bænum; þykk snjóbreiða á bæjarþökun-
um. Og skafrennings-snjómóða uppi yfir jörðinni; hún
barst sumstaðar beint áfram fyrir golunni; sveiflaðist sum-
staðar til og varð að kófi, virtist koma úr öllum áttum
og vita ekki sitt rjúkandi ráð.
Og kuldinn lagði ísþak á hverja sprænu, sogaðist inn
göngin, fylti alla hrolli, ef lokið var upp hurð, hleypti
öllu i gadd, ef hann náði í nokkura deiglu, kvaldi menn-
ina með þeim margvíslega hætti, sem hann einn getur
hugsað upp, og hæddist að þeim í þokkabót með því að
draga upp yndislegar kynjarósir á gluggana hjá þeirn,
eins og hann ætlaði að búa þeim einhverja paradísarhöll,
og alt annað yrði honum alveg óvart.
Eg var^að rogast með föturnar heim eftir hlaðinu.
Þá kom Jón í hlaðið á Bleikskjóna. Hann var að koma
af fundi, sem bændur í sveitinni höfðu haldið daginn áð-
ur. Báðir vorum við fönnugir frá hvirfli til ilja.
— Komdu •blessaður, Steini minn, sagði Jón og vatt.
sér af baki.