Skírnir - 01.01.1909, Page 67

Kvenréttindahreyfingin í Ameriku. 67
borg úr borg og ríki úr ríki til að halda fyrirlestra, setja
félög á stofn og vinna máli þessu vini og gagn. Á
þessum fundum voru kröfurnar mismunandi, þótt a ð a 1-
k r a f a n væri jafnan sú sama. Stundum var það endur-
skoðun og umbætur á hjónabandslögunum, sem voru, eft-
ir enskum lögum, mjög ill og óeðlileg, stundum var það
réttur kvenna til að fá aðgang að háskólum og embætt-
um, opinberum sýslunum o. fl. Stundum voru það liærri
vinnulaun kvenna, jafnrétti i atvinnurekstri og launum á
við karlmenn. Stundum var það um fjárráð giftra
kvenna yfir atvinnu sinni og séreign þeirra. Stundum
um rétt mæðra yfir börnum sínum, um hjónaskilnað o. s. frv.
Mrs. Paulina Wright Davis var fyrir þeirri baráttu í
Nýja Englandi um nokkur ár, ásamt fyrra manni sínum
Frances Wright. Eitt kvöld, þegar þau höfðu haldið
fund um þrælamálið, safnaðist múgur manna utan
um hús þeirra með ópum og óhljóðum og ætlaði að brenna
þau inni. Foringinn klifraðist upp á viðarköstinn, sem
átti að kveikja i, til að sjá inn um gluggann, hvað hafst
væri að inni, en sá þá, að heimilisfólkið hélt venjulega
heimilisguðsþjónustu og kraup þar á bæn. Þá hætti hánn
við að brenna þau inni.
Mrs. P. Wright var ein af fyrstu konum í Ameríku,
sem lögðu stund á líffærafræði og líkskurðarfræði. Hún
hélt fyrirlestra um þessi efni, og hafði brúðu til skýringa
á fyrirlestrunum, sem vakti mikið hneyksli fyrst í stað.
Þó varð þetta til þess að ýmsar konur af áheyrendum
hennar urðu með þeim fyrstu til að stunda læknisnám,
þegar konum var veittur aðgangur að skólunum.
Eftir dauða fyrri manns síns giftist hún aftur Thom-
as Davis frá Rhode Islande og settist þá að í Boston.
Þar stofnaði hún fyrsta kvenréttindablað heimsins 1853,
»The Una«. Árið eftir var maður hennar kosinn á sam-
bandsþingið í Washington. Hún fylgdist með honum
þangað. Þar kom hún því síðar á, að konur skyldu jafn-
an halda allsherjarfund fyrir Bandarikin um þingtímann
í Washington, til þess að reyna að hafa áhrif á þing-