Fréttir frá Íslandi - 01.01.1879, Blaðsíða 57

Arferð og atvinnuvegir.
57
fjelaginu var í ýmsu betra á útlendu vörunni en hjá öðrum
kaupmönnum, en svo gaf það og kost á stárkaupum um tíma
um sumarið mót peningaborgun út í liönd, og voru þá ýmsar
vörur þriðjungi og allt að hálfu ódýrari en annars; kom það
mörgum að góðu haldi, en þó færrum en skyldi, því að efna-
mennirnir einir voru það, er þá liöfðu peningaráðin til að
kaupa þannig, en hinir fátækari urðu út undan þeim kosta-
kjörum, eins og vant er að verða.
Fjártaka varð eigi mikil eptir því sem vant er að vera,
og var verð á henni að jafnaði um landið 20 aurar á bezta
kjöti, 18 og 16 aurar á enn lakara; mör 26—30 aura, gærur
2,85—1,75 aura, tólg 30—32 aura o. s. frv. Fjárkaup Eng-
lendinga voru mikil, og voru þau það, er einkum spilltu
fyrir fjártökunni. Mest var keypt í Húnavatnssýslu, og var
flutt af Borðeyri á fimmta þúsund fjár, allt sauðir, flestir tvæ-
vetrir og eldri. Verð var til jafnaðar 18—20 kr. á sauðum þess-
um, og þótti sú sala miklum mun betri en fjártakan í kaup-
stöðunum, einkum þar sem peningar komu í aðra hönd. Sömu-
leiðis hjeldu og hrossakaup Englendinga áfram sem áður, og
var allmikið flutt út af þeim, og með sama verði eða líku og
áður. Eigi vitum vjer tölu þeirra hrossa, er út voru flutt þetta
ár. Landsmenn voru mjög ánægðir yfir þessari verzlun við
Englendinga, og vildu þegar fara að komast í meira verzlun-
arsamband við þá, og losa sig þannig að nokkru undan fargi
því, er verzlun danskra kaupmanna, er hjer sitja, heldur þeim
undir. Eggert umboðsmaður Gunnarsson fór og eitthvað að
koma þessu á, og íjekk hann upp vörur nokkrar frá Eng-
landi, og þóttu þau kaup betri en annars gjörast.
S i g 1 i n g a r til landsins gengu að öllu vel, og slysaðist
engu af kaupskipum að því er vjer til vitum,hvorki um haustið
nje vorið, nema einu, er Hertha nefndist og lengi hafði í förum
verið. Hún strandaði 17. dag aprílmánaðar á Húnaflóa, og
var seld þar með því er náðist skömmu síðar. Gufuskipaferð-
irnar gengu allar mjög vel, og þóttu mönnum þær mjög hag-
kvæmar nyrðra. Nokkuð reyndu menn að panta af vörum með
því frá verzlunarmiðlum í Kaupmannahöfn beina leið, einkum
smávöru, kaffi og ýmislegu þess kyns, munaði það á flestu