Fréttir frá Íslandi - 01.01.1879, Blaðsíða 21

ATVINN UVEGTR.
21
Yígði biskup hana eptir aðgjörðina 14 s. m. Önnur bygging.
er má heita stórbygging, var gagnfræðaskólinn á Möðru-
völlum. Til byggingar hans var veitt af landsfje 27400 kr., og
var lokið smíð hans og húsið tekið út 23. dag septembermán-
aðar. Tryggvi kaupstjóri Gunnarsson hafði annazt smíðina,
en yfirsmiður var Jón Stefánsson timburmaður á Akureyri.
Skólinn er allur af timbri gjör, tvíloptaður, og kjallari múraður
undir niðri. Hann er rúmar 30 álnir á lengd, nær 14 álnir á
breidd og 12álna hár á lausholt. í honum eru 4 kennslustof-
ur, 2 á lopti uppi og 2 niðri, og auk þess íbúðarherbergi fyrir
skólastjóra, svefnloft fyrir pilta, leikstofa og svo framvegis.
Allur er skólinn hinn vandaðasti, handrið öll við stigana úr
rauðaviði (Mahagoni), bitar og umbúnaður allur hinn ramm-
gjörvasti og hvervetna mjög vel umbúið. I‘að er að eins hið
sorglega, að húsið er eigi úr steini, svo það hefði getað staðið
um aldur og æfi.
S i g 1 i n g a r til landsins gengu fremur illa, og var þó ei
hafísinn til þess að hamla mönnum að komast að landinu.
Helztu tjón á verzlunarskipum voru þessi: 30. dag marzmánaðar
strandaði norskt kaupskip <• Ellida•> við Þormóðssker undan Mýrum;
hlaðið vörum. Hafði það fyrst hrakizt vestur fyrir Jökul, en get-
að síðan snúið aptur, en lenti í þokum, svo að skipverjar vissu eigi
hvar þeir fóru, fyrenskipið hjó niðri og sökk þegar. Skipverjar
komust á bátum slippir í land. 1. dag maímánaðar strandaði
norskt timburskip, «Ossian», fyrir Látrabjargi; allir menn kom-
ust af. 3. s. m. sleit upp danskt verzlunarskip, «Else», á Eyr-
arbakka, hlaðið vörum; rak það upp í sand og brotnaði í spón.
Eitthvað fórst og af frakkneskum fiskiskútum hjer við land, eins
og vant er að vera, og or eigi þörf að telja þær hjer.
S 1 y s f a r i r hafa orðið nokkrar þctta ár, og eru það
einkum skiptaparnir, scm nokkuð kveður að. í norðanstorm-
unum týndust 2 skip af Akranesi, 27. dag febrúarmánaðar, og
voru lOmenn á þeim alls. 30. dag aprílmánaðar týndist róðr-
arskip fyrir Landeyjasandi, og voru á því 10 menn. 23. dag
ágústmánaðar fórst bátur með 4 mönnum á Álptanesi, rjett að
segja við landsteinana. 26. dag septembermánaðar týndist bát-
ur með 4 mönnum frá Hvaleyri við Hafnarfjörð. í október-