Tímarit Hins íslenzka bókmentafélags - 01.01.1901, Blaðsíða 30

30
Klesol held eg að gæti verið afbökun úr Snæfells-
nafninu, sem stendur á mjög mörgum gömlum upp-
dráttum, ritað á ýmsa vegu. /’-stafurinn er mjög svipað-
ur og leggurinn á k-inu, svo sem menn rituðu það t
þenna tíma, og þegar hver eftir annan misles bókstaf í
frummynd sinni, verða nöfnin alt af meira rangfærð, þeg-
ar dregur út í eftirmyndanir. En hvað nú nöfnin tilthos,
havsol og dos eiga að tákna, þá get eg ekki fremur skýrt
þau en Olafur.
A 152. bls. segir hann Boreuni promontorium á að
öllum Hkindum að þýða norðurodda landsins. Eg segi,
ekki að öllum líkindum, heldur með fullri vissu, því
Horn á Hornströndum heitir enn þann dag í dag Cap
Nord á útlendum landabréfum.
Um Choas á Pedrezano-uppdrætti er eg eigi samdóma
Ólafi, að það gæti bent til nafnsins Kjós, heldur er það
líklega afbakað úr chaos (óskapnaður), sem stendur á mörg-
um kortum við holurnar undir Heklu og öðrum eld-
fjöllum og á að tákna helheim, eða hreisunareldinn, eða
því um líkt, sem var undir rótum íslenzku eldfjallanna
eftir hugsun miðaldamanna. Madher promontoriuni á
þessu korti held eg að tákni annan af klettunum ,Karl
og Kerling1 á Reykjanesi. Karl og maður hafa sömu
merkingu, og svo er ritað madher fyrir maður. I An-
zeiger fúr deutsches altertum 23, 343 hefir dr. Kr. Ká-
lund þegar bent á, að madher og c(h)oas gæti átt við
Karl og Kerlingu, og hvað madher snertir, er eg öldungis
samdóma honum, en að c(h)oas sé afbökun af kona þyk-
ir mér eigi liklegt, því það liggur of nærri að halda, að
það sé mislestur eða misprentun fyrir chaos, sem stendur
þar hjá á öllum eldri Islandsuppdráttum. Enda stendur
Karl á mörgum kortum, en Kerling ekki. Svona er t.
d. enn þann dag í dag á kortinu eftir Björn Gunnlaugsson.
Af nöfnunum á skinnkorti Hinriks II. Frakkakonungs