Eimreiðin - 01.07.1899, Page 112

232
UM GRÓÐURRÍKI ÍSLANDS hafa komið út nokkrar ritgerðir i ársriti
grasffæðisfjelagsins í Höfn (»Botanisk Tidskrift«), sem ekki hefur áður verið getið
um í Eimr. í 20. bindi þess rits er löng ritgjörð (»Tillæg til Islands Krypto-
gamflora indeholdende Lichenes, Hepaticæ og Musci«) eftir hinn danska gras-
fræðing prófessor Chr. Grönlund, sem kunnur er orðinn fvrir rit sín um íslenzkar
plöntur. Þar er skrá yfir þær fléttur, hálfmosa og mosa, er fundist hafa á ís-
landi síðustu árin eða 1 gömlum söfnum ífá Islandi, t. d. safni Steenstrups ffá
1839—40. — Flest höfðu þeir fundið Stefán Stefánsson, Helgi Jónsson og Arthur
Feddersen, sem ferðaðist heima 1884 og 86. Alls telur Grönlund 74 nýjar
tegundir. — Við ritgjörð þessa gjörði Stefdn kennari Stefdnsson nokkrar athuga-
semdir (»Nogle Bemærkninger til Chr. Grönlunds Tillæg« etc.) í sama árg. (bls.
399—402). Þar er og getið 3 tegunda, sem höf. hafði fundið, en Grönlund
hafði slept. — í 21. árg. af »Bot. Tidskr.« (bls. 33—36) er greinarkorn um fsl.
plöntur (»Contributions to the Flora of Iceland«) eftir Theodor Holrn, danskan
grasffæðing í Ameríku. Þar eru taldar nokkrar plöntur (og getið fundarstaða
þeirra), er amerisk kona, Elizabeth Taylor að nafni, hafði safnað sumarið 1895;
en lítið sem ekkert er á ritgjörð þessari að græða, því plöntur þær, sem nefndar
eru, eru flestar algengar; en þær fágætari áður kunnar frá þeim stöðum, sem
Taylor hafði fundið þær. — Þá er í sama árg. (bls. 339—348) ritgjörð um fsl.
plöntur (»Nogle Bidrag til Islands Flora«) eftir tvo danska grasfræðinga cand.
pharm. O. Gelert og cand. mag. C. Ostenfeld. Eru þar taldar allmargar sjald-
gætar plöntur frá nýjum fundarstöðum, sem þeir inspektor P. Feilberg (heima
1896), cand. mag. Hjalmar Jensen (heima 1892), dr. Þorvaldur Thóroddsen og
Ostenfeld sjálfur hafa safnað. Ostenfeld hefur tvisar komið við heima (með
Ingólfi á norðurförum hans) 1895 og 96, og safnað plöntum bæði á Vestfjörð-
um, Austfjörðum og Reykjanesi. Auk þess eru í ritgjörð þessari nokkrar leið-
réttingar á eldri nafngreiningum isl. plantna. — Enn er f sama árg. (bls. 349 —
364) ritgjörð (»Vaar- og Höst Exkursioner i Island 1897«) eftir cand. mag. Helga
Jónsson. Skýrir hann þar ffá nokkrum athugunum um lff plantnanna að vetrinum
á íslandi, gróindin að vorinu, laufgun og blómgun og hvenær þær taka á sig
vetrargerfið að haustinu. Hefur lítið sem ekkert verið ritað um þetta af öðrum
en Helga, og eru þvf allar upplýsingar þar að lútandi mikils verðar. Önnur rit-
gjörð eftir H. J. hefur nú fyrir skömmu birst í »Bot. Tidskr.« XXII, 169—207
(»Floraen paa Snæfellsnes og Omegn«). Er það skýrsla um plöntur þær, sem hann
fann á rannsóknarför sinni um Snæfellsnes- og Dalasýslu sumarið 1897; þar á
meðal eru 24 tegundir blómleysingja og 5 blómplöntur, sem ekki eru áður kunn-
ar á íslandi. Auk þess getur hann 6 »nýrra« blómleysingja, er hann hafði fundið
annars staðar á landinu. — Loks er 1 sama árg. bls. 131—8 ritkorn eitt (»Nogle
Ferskvandsalger fra Island«), eftir hinn danska þarafræðing cand. mag. F. Börge-
sen. Það er skrá yfir nokkrar vatnsþara- eða slítegundir, sem A. Feddersen, Stef-
án Stefánsson og dr. L. Kolderup-Rosenvinge hafa safnað heima.
UM ÍSLENZKA FUGLA (»Ornithologischer Bericht von Island« 1887—88)
hefur mag. Bened. Gröndal ritað í fuglafræðis-tímaritið »Ornis«, sem kemur út í
París. Er þar stuttlega skýrt frá lifnaðarháttum fugla þeirra, sem nefndir eru,
og þess einkum getið, hvað farfuglana snertir, hvenær þeir komi að vorinu, hve-
nær þeir verpi, hvar þeir haldi sig að sumrinu og hvenær þeir fari burt að
haustinu. Auk þessa er stutt lýsing á Suðurlands undirlendinu, og í inngang-
inum hrekur höf. með skýrum og góðum rökum þá skoðun Ameríkufarapostula