Árbók Landsbókasafns Íslands - Nýr flokkur - 01.01.1976, Blaðsíða 86

Landsbókasafnið 1975
BÓKAKOSTUR OG Bókakostur Landsbókasafns var í árslok
BÓKAGJAFIR samkvæmt aðfangaskrá 325.545 bindi
prentaðra bóka og hafði vaxið á árinu
um 6318 bindi. Mikill fjöldi binda var sem fyrr gefinn safninu eða
fenginn í skiptum.
Af einstökum gjöfum skal þessara getið sérstaklega:
Frú Helga Jónsdóttir, ekkja Sigurliða Kristjánssonar kaupmanns í
Reykjavík, gaf nokkrar merkar gamlar íslenzkar bækur, m. a. Steins-
biblíu frá 1728.
Davíð Björnsson fyrrv. bóksali í Winnipeg gaf enn sem fyrr ýmis
rit, bæði íslenzk og á ensku um íslenzk efni.
Sendiráð Alþýðulýðveldisins Kína færði Landsbókasafni bókagjöf,
er í voru ýmiss konar rit á ensku um Kína og kínversk efni, ennfremur
nokkur sýnishorn kínverskra bókmennta í enskum þýðingum.
Hinn 2. júlí afhenti Thor R. Thors, aðalræðismaður Ítalíu á ís-
landi, ítalska bókagjöf í Landsbókasafni. Giulio Terruzzi sendiherra
Ítalíu á íslandi (með aðsetri í Ósló) hafði í bréfi 18. nóvember 1974
skýrt Vilhjálmi Hjálmarssyni menntainálaráðherra frá því, að ítalska
ríkisstjórnin hygðist gefa bókagjöf til íslands og væri ætlunin, að hún
gengi til Landsbókasafns. Vildi stjórnin með þessu efla þekkingu á
ítalskri tungu og menningu á íslandi og yrði í gjöfinni rit bæði gömul
og ný. Af verkum eldri skálda og rithöfunda má nefna Divina Gom-
media Dantes, Rime Trionfi poesie latine eftir Petrarca, verk í heild-
arútgáfum eftir Machiavelli, Tasso, Galilei, Goldoni, Nievo o. fl.
Af ítölskum samtímahöíundum, sem verk eiga í þessari bókagjöf,
skulu nefndir m. a. Guareschi, Pavese, Levi, Casola, Vittorini, Soldati
og Pirandello.
Nú verða taldir aðrir gefendur bóka, einstaklingar og stofnanir, og
fara fyrst nöfn íslenzkra gefenda: