Andvari - 01.01.2007, Page 22

20
KRISTÍN ÁSTGEIRSDÓTTIR
ANDVARI
flutti til Reykjavíkur. Ein myndin sýnir Theodoru og Bauju með dætr-
unum og má þar sjá að elstu systurnar Unnur, Kristín og Katrín eru
orðnar miklar dömur með uppsett hár í anda tískunnar á þeim árum.
Önnur mynd sýnir þær Kristínu og Katrínu ásamt tveimur vinkonum.
Þar eru þær á fínum hvítum kjólum og er Katrín með stráhatt. Þetta eru
sannarlega ungar Reykjavíkurdömur. Meðal helstu vinkvenna þeirra
Kristínar og Katrínar voru Ingibjörg Indriðadóttir (síðar eiginkona
Ólafs Thors), Þórunn og Soffía Hafstein dætur Ragnheiðar og Hannesar
Hafstein ráðherra og þær Kristín og Kristjana Thors dætur Margrétar
og Thors Jensen.35 Það hafði ekki áhrif á vináttu stelpnanna þótt feð-
urnir elduðu grátt silfur í stjórnmálum.
Lœknir heldur út í heim
Katrín settist í menntaskólann eins og eldri systkini hennar og tók stúd-
entspróf árið 1915 þá að verða 19 ára gömul. Sjö aðrar stúlkur luku stúd-
entsprófi þetta ár og höfðu aldrei verið fleiri.36 Stúdentar voru útskrifaðir
28. júní, níu dögum eftir að Danakonungur undirritaði lögin sem veittu
íslenskum konum sem orðnar voru 40 ára og eldri kosningarétt og kjör-
gengi til Alþingis. Theodora Thoroddsen tilheyrði þeim hópi og hún var
ein þeirra kvenna sem skrifuðu undir ávarp til íslenskra kvenna þar sem
þær voru hvattar til stuðnings við stofnun Landspítala í tilefni af kosn-
ingaréttinum.37 Afar líklegt er að Katrín hafi tekið þátt í hátíðahöldum
kvenna sem fóru fram við setningu Alþingis 7. júlí, á afmælisdegi
hennar, en faðir hennar var einn þeirra sem þar var og fylgdist með því
er kvennanefnd afhenti Alþingi þakkarskjal. Skúla fannst konur full-
þakklátar er þær fengu þessi sjálfsögðu mannréttindi.38
Um haustið settist Katrín í læknadeild Háskóla íslands sem þá hafði
starfað í fjögur ár. Hún ætlaði greinilega að afla sér starfsmenntunar til
að geta séð sjálfri sér farborða. Katrín var önnur konan sem skráði sig
til læknanáms en þegar hún hóf nám var Kristín Ólafsdóttir þar fyrir
en hún lauk prófi árið 1917.39 A þessum tímamótum í lífi Katrínar var
ekki fagurt um að litast í veröldinni. Heimsstyrjöldin fyrri fór stigvax-
andi úti í Evrópu og þess var skammt að bíða að hún tæki að hafa
mikil áhrif á lífskjör landsmanna með vöruskorti, verðhækkunum og
siglingabanni.40
Vorið 1916 varð fjölskyldan fyrir miklu áfalli er Skúli Thoroddsen