Andvari - 01.01.2007, Síða 40

38
KRISTÍN ÁSTGEIRSDÓTTIR
ANDVARI
reisn Skálholtsskóla, þar sem piltar skyldu stunda menntaskólanám og
möguleikar yrðu kannaðir á því að gera Kvennaskólann í Reykjavík
að menntaskóla sniðnum við hæfi stúlkna. Var tillagan í samræmi við
samþykkt Framsóknarflokksins.
Þar er skemmst frá að segja að menntakonur landsins risu öndverðar
gegn þessari tillögu enda sáu þær í henni tilraun til að gengisfella
menntun kvenna og skilja að konur og karla. Þær spurðu hvað væri
menntun „sniðin við hæfi stúlkna“. Reynslan hafði kennt þeim að
með því var átt við húsmæðramenntun. Nýtt kvennablað sem gefið
var út á þessum árum af kvenréttindakonum birti á forsíðu ályktun
Kvenréttindafélags íslands og Kvenstúdentafélags Islands. Katrín var
þá formaður síðarnefnda félagsins og skrifaði fyrst fulltrúa þeirra undir
andmælin. í ályktuninni var því mótmælt að nokkuð það yrði gert sem
fæli í sér brot á lögunum frá 1911 sem veittu konum rétt til skólagöngu,
embætta og styrkja til jafns við karla.115 í blaðinu var viðtal við Katrínu
þar sem hún lýsti skoðunum sínum skýrt og skorinort. Hún sagðist vera
á móti aðskilnaði kynjanna, þau hefðu gott af að kynnast hvort öðru.
Hún benti á að frá 1910 er Laufey Valdimarsdóttir útskrifaðist fyrst
kvenna úr menntaskóla hafi innan við 200 konur lokið stúdentsprófi
á landinu. Samt heyrðist stöðugt nöldur um að menntaskólinn væri að
breytast í kvennaskóla. Hún sagði að tillagan fæli í sér þá varhugaverðu
þróun að litið yrði á menntun kvenna sem óæðri og að menntun þeirra
yrði „minna próf“. Það myndi svo hamla inngöngu þeirra í háskóla. I
lokin spurði hún hvort hugmyndin um piltaskóla í Skálholti ætti eitt-
hvað skylt við foringjaskóla að þýskri fyrirmynd. Þarna skaut hún fast
á framsóknarmenn og gaf í skyn að þeir væru hrifnir af hugmyndum
þýskra nasista.116 Þegar hér var komið sögu var heimsstyrjöldin síðari
í algleymingi og Þjóðverjar alls staðar í sókn. Það breyttist er líða tók
á árið.
Hrœðsla kvenna við sósíalisma
Árið 1944 hófu konur úr röðum sósíalista útgáfu kvennatímaritsins
Melkorku. í fyrsta hefti blaðsins er að finna langa grein eftir Katrínu
sem varpar ljósi á skoðanir hennar bæði á stöðu kvenna og sósíalism-
anum. Ritstjórar blaðsins höfðu beðið hana að svara þeirri spurningu
hvers vegna konur óttuðust sósíalismann. Ritstýrur Melkorku töldu