Andvari - 01.01.2007, Side 60

58
KRISTÍN ÁSTGEIRSDÓTTIR
ANDVARI
hefði verið hyllt með dynjandi lófaklappi. Katrín talaði líka á úti-
fundi í porti Miðbæjarbarnaskólans 16. október. Þar voru átökin um
NATO í forgrunni en hún beindi einnig sjónum að þeim keppinaut úr
röðum kvenna sem helst virtist eiga möguleika á þingsæti, Rannveigu
Þorsteinsdóttur, sem var í framboði fyrir Framsóknarflokkinn. Katrín
taldi afstöðu Rannveigar til NATO hálfvolga. Nú yrði að koma land-
ráðamönnunum út úr landsstjórninni.192
En allt kom fyrir ekki. Sósíalistaflokkurinn hélt fylgi sínu á landsvísu
en tapaði samt einum manni. Katrín náði ekki kjöri sem hlýtur að hafa
verið bæði henni og konum í Sósíalistaflokknum mikil vonbrigði. Það
kom sem sagt í ljós að óánægja þeirra var á rökum reist. Segja má að
flokkurinn hafi launað Katrínu illa vinsældir hennar og flokkstryggð.
Ekki verður séð að hún hafi á nokkurn hátt látið illa að stjórn eða haft
aðra afstöðu en flokksbræður hennar. Þeir studdu hana reyndar ekki
í umræðum um þau málefni sem hún bar fram í þinginu, fremur en
aðrir þingmenn sem verður að túlka sem áhugaleysi á hagsmunamálum
kvenna. Hugsanlega réð verkaskipting í flokknum einhverju því ekki tók
Katrín þátt í umræðum sem flokksbræður hennar stóðu fyrir. Það rennir
þó stoðum undir kenninguna um áhugaleysið að þau málefni sem hún bar
fyrir brjósti voru ekki tekin upp af sósíalistum næstu árin eftir að hún
hvarf af þingi.193 Reynsla Katrínar var að þessu leyti svipuð reynslu þeirra
Ingibjargar H. Bjarnason og Guðrúnar Lárusdóttur.194
Rannveig Þorsteinsdóttir náði kjöri en það gerði líka Kristín L.
Sigurðardóttir sem þingkona Sjálfstæðisflokksins. Katrínu fannst engin
ástæða til að minnast á hana í kosningaræðum sínum, taldi hana líklega
ekki vera keppinaut um atkvæði kvenna. I fyrsta sinn sátu tvær konur
á þingi.195
/ bœjarstjórn Reykjavíkur
Þar með lauk þingferli Katrínar en hún var alls ekki hætt afskiptum
af stjórnmálum. Aðeins þremur mánuðum síðar var hún í framboði til
bæjarstjórnar í Reykjavík og var í öðru sæti á lista sósíalista. Sennilega
voru það sárabætur bæði fyrir hana og flokkskonur. í fimmta sæti
var Nanna Olafsdóttir og snerist baráttan um að koma henni að sem
reyndar tókst ekki að sinni. Enn á ný var haldinn stór kvennafundur og
mikið gert til að laða að atkvæði kvenna.196