Andvari - 01.01.1956, Qupperneq 25

andvari
Benedikt Sveinsson
21
Þetta sumar kom Friðrik konungur VIII. til Islands með
nriklu og fríðu föruneyti. Landvamarmenn drógu upp bláhvíta
fánann á Þingvelli, þegar konungur og fylgdarlið hans hafði þar
viðdvöl. Vakti það hneyksli rneðal sumra íslendinga, en ekki
hefur þess heyrzt getið, að fáninn spillti gleði Friðriks konungs.
Og þó að Landvarnarmenn vildu sýna konungi og öðrum yfir-
drepslausa djörfung, hvöttu þeir eindregið til þess, að við yrði
höfð hin fyllsta kurteisi af hálfu íslendinga. Segir svo í Ingólfi:
„Menning þjóðar vorrar getur hér orðið dæmd á glöggu ein-
kenni á tvennan hátt, á því, hve vel vér komurn til dyra eftir
föngum vorum, og á því, hve einhuga og óhagganlegur vilji um
ákveðnar réttarbætur skín í gegnum öll opinber orð og gjörðir
vorra manna, þegar sonur Kristjáns konungs níunda kemur nú
til þess að heilsa íslendingum.“
Ekki var sinnt þeirri kröfu þjóðfundarins, að fram færu
nýjar kosningar, áður en kosið væri í samninganefndina. Kosn-
ingu hlutu úr hópi stjórnarsinna Hannes Hafstein ráðherra,
Jón Magnússon skrifstofustjóri og sýslumennirnir Lárus H.
Bjarnason og Steingrímur Jónsson, en úr Þjóðræðisflokknum
Jóhannes sýslumaður Jóhannesson, Skúli Thoroddsen ritstjóri og
Stefán skólameistari Stefánsson. Landvarnarmenn áttu engan
•ulltrúa í nefndinni, því að séra Sigurður Jensson, sá eini þing-
maður, sem taldist til flokks þeirra, vildi ekki taka sæti í henni,
og ráðherra kvað eigi mega kjósa aðra en þá, sem væru alþingis-
menn. En svo var orðin náin samvinna Skúla Thoroddsens við
Landvarnarmenn, að þá er hann fór utan til nefndarstarfa, fól
hann Bjarna Jónssyni frá Vogi að sjá um útkornu Þjóðviljans.
í marzmánuði hafði Ari Jónsson lögfræðingur orðið meðrit-
stjóri Benedikts Sveinssonar við Ingólf. Llm haustið fór Ari utan,
og tók þá Bjarni frá Vogi við störfum hans. En upp úr miðjum
vetri ákvað Landvarnarflokkurinn, að Bjarni færi til Kaupmanna-
hafnar og fylgdist með störfum sambandslaganefndarinnar eftir
því, sem honum reyndist unnt. Varð þá Benedikt Sveinsson rit-
stjóri beggja blaðanna, Ingólfs og Þjóðviljans.