Andvari - 01.01.1956, Side 66

62
Lúðvík Kristjánsson
ANDVARI
Clausen og Sandholt hafa orsök til að segja ég væri flott, því þá
skyldi ég gera þeim allar þær brodalíur, sem ég gæti.“
Ekki komst Þorlákur heldur til íslands meS kaupfarm sumarið
1863. En hann er nú tekinn að rita um Islands mál í ensk blöð,
einkum verzlunina. Undir haust fær hann bréf frá föður sínum,
þar sem hann tjáir Þorláki, að Sandholt vilji fá hann til sín sem
faktor í Ólafsvík. En Þorlákur svarar því til, að hann vilji heldur
vera aumur ritari í Englandi en fara að kyssa á þá höndina, sem
hann feginn vildi að af væri.
NlU HÁLFTUNNUR SILFURS OG BROTIÐ SKIP.
Síðla árs 1865 hefur Þorlákur ráðið sig til verzlunarfélags,
er kennt var við William Walker og John Pile, en þeir voru
framkvæmdastjórar og aðaleigendur fyrirtækisins. Höfðu þeir
mörg jám í eldi og keyptu m. a. lifandi nautpening frá Svíþjóð.
Var Þorlákur í förum fyrir þá og kynnti sér vel, hvernig þessum
gripaflutningi var háttað.
Haustið 1865 fékk Jón Sigurðsson bréf frá séra Einari Hjör-
leifssyni í Vallanesi og fleiri prestum og merkisbændum á Fljóts-
dalshéraði, þar sem þeir báðu hann að útvega kaupanda að 1000
fjár, er þeir kváðust skyldu hafa tilbúið til afhendingar 30.
september næsta ár. Jón sneri sér nú til Þorláks og bað hann
um að leita fyrir sér í Englandi með kaupendur á lifandi fé
íslenzku. Varð Þorláki það fyrst fyrir að ræða um þetta við
húsbændur sína, William Walker og John Pile. Réðst svo, að
þeir hugðu á fjárkaupin og gengu að þeim skilmálum, sem séra
Einar í Vallanesi hafði sett fram í bréfi sínu til Jóns. Húsbænd-
ur Þorláks ákváðu í fyrstu að kaupa a. m. k. 1500—2000 fjár, ef
það fengist við góðu verði, og senda skip eftir því til Eskifjarðar.
Samtímis og Þorlákur lét bændur og presta á Héraði vita uro
þessa ráðagerð, ritaði hann einnig Tryggva Gunnarssyni, bónda
á Hallgilsstöðum, og sagði honum tíðindin. — í aprílmánuði fór
Þorlákur til Hafnar, og ræddu þeir Jón og hann mikiÖ urn það,