Menntamál - 01.04.1967, Blaðsíða 73

MENNTAMÁL
67
Austurbæjar, og var hún tekin í notkun nokkrum árum
eftir að hin nýju fræðslulög öðluðust gildi. Er svo að sjá sem
framsækin viðleitni hafi ríkt á þeim tíma. Þessi kennslu-
stofa var þó síðar tekin undir aðra kennslu, og virðist um
langt árabil hafa ríkt algjör deyfð í þessum málum. Nú er
þetta að breytast nokkuð. í vetur eru í notkun þrjár eðlis-
fræðistofur við gagnfræðaskóla í Reykjavík og utan Reykja-
víkur ein eða tvær. Ekki stafar þetta þó af því, að skólabygg-
ingar okkar séu fátæklegar. Víða mun þó vera til nokkuð af
kennslutækjum, en yfirleitt nýtast þau illa vegna erfiðra að-
stæðna í skólunum.
Það er eitt af frumskilyrðum endurbóta á eðlisfraíði-
kennslunni, að sköpuð verði aðstaða til verklegra æfinga í
öllum gagnfræðaskólum. Semja þarf ltið fyrsta lágmarks-
kröfur um slíka aðstöðu og ganga eftir að þær séu upp-
fylltar í öllum nýjum skólum, og finna verðnr leiðir til að
koma verklegri kennslu einnig inn í eldri skóla.
6. Kennaraskorturinn.
Hér á landi, sem og í öllum nágrannalöndum okkar, er
mikil skortur á menntuðum kennurum. Óvíða getur þó
ástandið verið jafn erlitt og í eðlisfræðikennslu við íslenzka
gagnfræðaskóla. F.f vel á að vera þarf tiiluverða sérþekkingu
til að kenna eðlisfræðina, enda er formlega krafizt BA prófs
af kennurunum, en það krefst um þriggja ára háskólanáms.
Verkfræðideild Háskólans sér nú um þessa kennslu á þann
hátt, að nemendur læra sama námsefni og verkfræðinemar
í eðlisfræði tvö fyrstu námsárin. Óþarfi er að fjölyrða um,
að þarfir verkfræðinema og kennaraefna fara ekki nema að
nokkrn leyti saman, og er þetta því vandræðalausn, enda
þótt hún sé betri en engin. Engin hreyfing mun vera hjá
Háskólanum til að færa þetta í betra horf, enda er slíkt
nokkrum vanda bundið eins og nemendafjöldinn hefur ver-
ið, en að meðaltali hafa vart nema 2—3 nemendur lokið BA
prófi árlega i eðlisfræði. í þessu felst einn aðalvandi eðlis-