Menntamál - 01.04.1967, Blaðsíða 75

MENNTAMÁL
69
„Tvö sjónarmið þarf að hafa í huga við kennslu hinna
ýmsu greina raunvísinda.
Markmið kennslunnar er í fyrsta lagi að kynna niðurstöð-
ur vísinda og hin hel/.tu fræðilegu hugtök og kenningar,
sem eru grundvölluð á niðurstöðum rannsókna. Raunvísindi
hafa gjörbreytt skoðunum okkar á stöðu mannsins í alheim-
inum og þau hafa stóraukið möguleika okkar á að hagnýta
afl og auðæfi náttúrunnar. í fáum orðum sagt: við eigum
það vísindunum að þakka, að líf okkar er svo frábrugðið
lífi forfeðra okkar.
Annað meginmarkmið kennslu í raunvísindum, sem er
jafnvel enn þýðingarmeira, er, að hún gerir mönnum það
mögulegt að taka eðlilegan þátt í hinu tæknivædda þjóð-
félagi okkar tíma. Við verðum að skilja, hvað vísindi eru í
raun og veru; að skilja anda þeirra og vinnubrögð.
. Það kann að vera mögulegt að ná hinu fyrra marki
með því einu að kenna af bók. En til að ná síðara markinu,
sem er iillu þýðingarmeira, verða menn að hafa tekið virkan
þátt í vísindalegri vinnu; öðlazt vísindalega reynslu. Ekki
er hægt að öðlast slíka reynslu með bóklestri eða af frásögn;
hún fæst einungis með því að vinna hliðstæð verk og vís-
indamennirnir vinna í rannsóknarstofum sínum.“
1 anda þessarar stefnu var unnið jöfnum höndum að texta
kennslubókarinnar, æfingum og kennslukvikmyndum.
Fyrsta útgáfa kennslubókarinnar var síðan kennd í 10 skól-
um af kennurum, sem flestir höfðu unnið að samningu bók-
arinnar, og var fylgzt vel með árangri kennslunnar. Að
kennsluárinu loknu var bókin endurskoðuð i ljósi þeirrar
t'eynslu, sem fengizt hafði, og var bókin síðan kennd í 50
skólum. Að því skólaári loknu var bókin að lokum gefin út.
Bókin ber nafnið ,,Physics“(3) og hefur hún fengizt í bóka-
verzlunum í Reykjavík, enda er stuðzt við hana við eðlis-
b'æðikennslu í að minnsta kosti þremur íslenzkum skólum.
Megineinkenni bókarinnar er, að hún tekur efnið ræki-
legar fyrir en við eigum að venjast af bókum fyrir þetta