Menntamál - 01.04.1967, Blaðsíða 76

70
MENNTAMÁL
aldursstig og um hana leikur mjög ferskur andblær. Til að
geta útskýrt það efni, sem er tekið til meðferðar í bókinni,
svo vel sem raun er á, verður hún að sleppa mörgu af því,
sem er í flestum eldri bókum; þessi nýja bók fer í dýpt frem-
ur en breidd. Hún er fyrst og fremst til að koma nemendum
til að hugsa, athuga, vinna. „Dæmi“ bókarinnar eru ekki
með tölum til að setja inn í ákveðnar formúlur, heldur oftar
spurningar til að leiða nemendur áfram, til að fá þá til að
hugsa nánar um einstök atriði. Æfingarnar eru órjúfandi
hluti af námsefninu, og þær eru framkvæmdar með mjög
einföldum tækjum, sem sérstaklega hafa verið þróuð fyrir
hið nýja námsefni. Mikil áherzla er þar lögð á það, að tækin
séu ekki flóknari en svo, að nemendur gætu sjálfir smíðað
þau.
Senn eru liðin fimm ár síðan þessi kennslubók var gefin
út, og hefur hún haft mikil áhrif, bein jafnt sem óbein.
Hún er nú kennd í skólum víða um heim, og hún hefur haft
mikil áhrif á fjölda nýrra kennslubóka, sem samdar hafa
verið á jressu tímabili. í Bretlandi hefur t. d. síðustu fimm
ár verið unnið að samningu nýrra kennslubóka fyrir 11—
15 ára nemendur í eðlisfræði, efnafræði og líffræði. Bækur
Jressar eru venjulega kenndar við stofnun þá, Nuffield Foun-
dation, sem staðið hefur að baki þessa stórátaks. Þær hafa
verið samdar af allstórum hóp manna svipað og PSSC-bókin.
Bækur þessar eru nú komnar rit, og- hafa þær fengizt hér í
bókaverzlunum. Kennslubækurnar í eðlisfræði hafa sótt
mikið til fyrrnefndrar bandarískrar kennslubókar, en eru
þó engu að síður all frábrugðnar, sem eðlilegt er, því hið
enska skólakerfi er gjörólíkt hinu bandaríska.
Ég hef verið svo langorður um þessa endurbótaviðleitni
vegna þess að ég tel, að endurskoðun námsefnis í íslenzkum
gagnfræðaskólum verði svo miklu auðleystari, ef reynsla
J^eirra Jrjóða, sem mest hafa unnið á þessu sviði, verður nýtt
til fullnustu.
En Irvernig verður okkar vandi bezt leystur? Margir telja,