Almanak Ólafs S. Thorgeirssonar - 01.01.1931, Síða 90

skemtinn í viðræðu, hafði það til að vera ofurlítið
spaugsamur, en jafnan hægur og stiltur.
Landnemi, lot 41.
Kristmundur Benjamínsson. — Foreldrar hans
voru Benjamín bóndi á Mársstöðum í Vatnsdal og
fyrri kona hans, Agnes Guðmundsdóttir. Alsystir
Kristmundar var Ingibjörg móðir Guðrúnar Ingólfs-
dóttur og Ólafar konu Eiríks Jóhannssonar. En
hálfsystir hans er Guðrún kona Péturs Stefáns í
Árdal. Kona Kristmundar var Sigurlaug dóttir
Björns bónda á Litluborg í Víðidal, Guðmundsson-
ar. Til Vesturheims fluttu þau 1874 frá Ægisíðu
þar sem Benjamín faðir Kristmundar bjó þá. Ári
síðar tóku þau land skamt frá Gimli og nefndu Fen-
hring. Þar bjuggu þau 27 ár. Til Árdalsbygðar
fl'uttu þau 1902 tóku annan rétt á þessu landi og
nefndu Skógardal. Með þeim komu tvö börn þeirra
þangað af 17 börnum er þau eignuðust, en þau eru
Jóhannes nú búsettur í Árborg og Jónína gift Gunn-
ari Alexanderssyni, þau búa nú í Skógardal. Nú
eru þau Kristmundur og Sigurlaug bæði látin.
Við lát frumbyggjarans var þetta kveðið:
Heyrðist héraðsbrestur,
—hröð er feigð til víga
genginn griðafrestur
gömlum meið að hníga.
Hrökk þar sterkur strengur,
stuðlabergsins forna.
Fallinn dáða drengur
við dómsorð skapanorna.
Átti í ernum huga
öfl í framsókn tíða.
Að deyja eða duga
er djarfmannlegt að stríða.
Og flug þeim fjöðrum veitti