Almanak Ólafs S. Thorgeirssonar - 01.01.1931, Qupperneq 114
Tildrög aö landnámi Islcndinga við
Little Salt i Norður Dakota.
Eftir Finnboga Hjálmarsson.
Þegar ungfrú Thórstína Jackson (nú Mrs. Emile Walt-
ers) ritaði Landnámssögu Islendinga i Noður Dakota, hefir
hún af vangá stiklað yfir nýlendusvæði það, sem nokkrir
Islendingar námu haustið 1879. Landnám þetta liggur 12
enskar mílur austur frá bænum Grafton, N. D. Af því eg
sem skrifa þessar línur, kyntist nýlendu þessari og fólkinu
sem þar bjó, langar mig til þess eins og í svolitlu ræktar-
skyni við þessa sveit og þá sem bjuggu þar, að minnast með
fáum orðum á tildrögin að nefndu landnámi, þó langt sé
nú um öxl að lita síðan eg var þar, og margt af því fólki,
sem þar bjó, hvíli nú undir jarðarmeni, þá eru það endur-
minningarnar um það og byggð þess, sem enn blakta vængj-
um sínum yfir þeirra fornu slóðum og benda mér á liðna
tið, og mælast til þess að eg segi það sem eg veit 'sannast
og réttast af þessu landnámi.
Sumarið 1876 flutti til Ameríku ungur Islendingur,
Ölafur Guðmundsson frá Sköruvík á Langanesi i Norður-
Þingeyjarsýslu, þá rúmt tvítugur að aldri. Fyrsta veturinn
sem hann var í þessari álfu, dvaldi hann i bygðum Islend-
inga við Winnipegvatn. Það var bóluveturinn svonefnda.
Um vorið, þegar sóttvörðurinn var leystur upp, fengu menn
að fara frjálsir hvert sem þeir vildu. ólafur batt ekki skó-
þvengi sína þar í sveit eftir að burtfararleyfið fékst, og hélt
þaðan suður til Bandaríkjanna. Vistaðist hann þar á stór-
um búgarði, sem hét Grandy Farm, nálægt bænum Fargo
i Norður Dakota. ólafur mun hafa verið fyrsti Islending-
urinn, sem fluttist af Langanesi til þessa lands. Ekki er
óliklegt að bréfaviðskifti hafi átt sér stað milli hans og