Iðunn : nýr flokkur - 01.01.1928, Qupperneq 93
IÐUNN
Frádráttur.
87
varð afstaðan öll önnur. í stað þess að gömlu prófin
voru grýla, sem börnin hræddust og hötuðu, eru þessi
próf yndi þeirra og eftirlæti. Þau biðja um þau dag-
lega. I æfingadeild kennaraskólans líður varla svo dagur,
að börnin fái ekki eitthvert próf. Þau finna réttlæti í
þeim. Hið sama er lagt fyrir alla. Þar kemur greinilega
í ljós svart á hvítu, hvort hver og einn veit og skilur
það, sem um er spurt. Prófin eru þannig, að börnin hafa
blað og blýant og kennarinn nokkrar spurningar um
námsefni það, sem á að prófa þau í. Hverri spurningu
er hagað þannig, að henni verði svarað með einu orði,
og einnig svo, að svarið verði annað tveggja alrangt
eða alrétt. I hverju prófi eru ekki að eins minnisspurn-
ingar, heldur og hugsunarspurningar, sem ekki verður
svarað beinlínis með orðum úr lexíu, heldur með hugs-
un og samanburði. Kennari les nú upp fyrstu spurning-
una og börnin skrifa töluna einn fremst á efstu línu
og svarið þar aftan við. Þá kemur næsta spurning, og
svo koll af kolli. Að prófinu loknu skifta raðir um sæti.
Það er betra en að sessunautar skifti um blöð, því að
þá hættir þeim við að líta á sitt eigið blað, og er þá
athyglin tvískift. Kennarinn les nú upp réttu svörin.
Börnin merkja kross aftan við hvert rétt svar. Hin láta
þau ósnert. Þeim er leyft að gera athugasemdir og
spurningar. Verða þá oft fjörugar umræður um það, hvað
teljast eigi rétt svar. Að þessu loknu telja börnin merkin
og skrifa tölu réttu svaranna á vissan stað á blaðinu.
Síðast er þessum svörum snúið í einkunn. Séu t. d.
spurningarnar 16, er tölu réttra svara deilt með tveimur.
Sá er svarað hefir öllu rétt fær þá 8, sá er svarað hefir
14 rétt fær 7 o. s. frv. Hafi spurningarnar verið 24, er
deilt með þremur, er þá gefinn einn fyrir hver 3 rétt
svör o. s. frv.