Eimreiðin - 01.07.1958, Qupperneq 29

EIMREIÐIN
161
Störf Hagalíns að kynningu góðra bókmennta, erlendra og
mnlendra, eru ekki einungis fólgin í ritgerðum þeim, sem
hann hefur samið um þau efni. Ég lief áður getið þess, að
hann veitti um langt skeið forstöðu bókasafni ísafiarðar-
haupstaðar. Óx safnið mjög í höndum hans og eignaðist ágætt
úrval erlendra samtíðarbókmennta. En Hagalín lét sér ekki
nægja að bækurnar væru til í hillum safnsins, heldur lagði
hann sig mjög fram urn að koma þeim í hendur almennings.
^ann hann ötullega að því að leiðbeina fólki um bókaval
~~ kenna mönnum bókstaflega að lesa þarfar og góðar bókur.
Þessu nytjastarfi heldur Hagalín nú áfram, þótt nokkuð í
annarri mynd og á víðara vettvangi sé. Staða bókafulltrúa, sem
hann hefur gegnt undanfarin ár, veitir honum ágæta aðstöðu
hl að hafa áhrif á bætt bókaval og hagnýta notkun almanna-
hókasafna víðs vegar um land.
Sextugur að aldri er Guðmundur Hagalín enn í fullu fjöri
°g starfsorkan söm og fyrr. Um leið og hinir mörgu lesendur
hans og vinir þakka honum unnin störf, munu þeir einum
rómi taka undir þá afmælisósk honum til handa, að hann
fái lengi enn starfað á þeim vettvangi, sem hann hefur kosið
sár: á akri íslenzkra bókmennta og menningarmála.