Uppeldi og menntun - 01.01.1999, Side 17

GUNNAR J. GUNNARSSON
Mynd 4
Hefurðu tekið þátt í einhverju kristilegu æskulýðsstarfi?
Skipting eftir kyni
legu- og kristilegu æskulýðsstarfi sést að minnihluti barna og unglinga á íslandi er
virkur þátttakandi í slíku starfi. Stelpur eru þó töluvert virkari en strákar.
Dauði, sorg og vanlíðan
Nokkrar spurninganna sem lagðar voru fyrir börnin höfðu það að markmiði að
kanna tilfinningar þeirra gagnvart dauða og sorg og viðbrögð þeirra við missi og
vanlíðan. Spurt var um hvort þau hugsuðu mikið um dauðann, um hugmyndir
þeirra um hvað tæki við eftir dauðann, hvort þau væru hrædd við hann ásamt því
að kanna hvernig þau brygðust við sorg og vanlíðan.
Fyrst var spurt: Hugsarðu oft um dauðann? í svörum er munurinn á milli kynj-
anna nokkur. Stelpur virðast hugsa meira um dauðann er strákar. Þannig merkja 25%
þeirra við oft á móti 18,8% stráka og 46,5% stelpna merkja við stundum á móti 38,3%
stráka. Þar af leiðir að hærra hlutfall stráka merkir við sjaldan og aldrei. Þaimig hugsa
tæp 43% stráka sjaldan eða aldrei um dauðann á móti rúmum 28% stelpna (sjá Mynd 5).
Enn fremur kom í ljós að heldur fleiri stelpur en strákar eru þeirrar skoðunar að
við förum til Guðs þegar við deyjum en strákarnir eru frekar á því að við hættum
að vera til eða fæðumst aftur á jörðinni. Stelpur eru einnig hræddari við dauðann
en strákar. Mun fleiri strákar segjast ekki óttast dauðann eða 51,5% á móti 32,2%
stelpna. Hér virðist „karlmennskuímyndin" skila sér í óttaleysi gagnvart dauðan-
um. Á sama hátt eru það fleiri stelpur sem segjast vera hræddar við dauðann eða
33,2% á móti 18,8% stráka (Mynd 6).
15