Uppeldi og menntun - 01.01.1999, Blaðsíða 99

GUÐRÚN KRISTINSDÓTTIR, ÓLAFUR H. JÓHANNSSON
ÚRVINNSLA VIÐTALA
Eftir að viðtölin höfðu verið skoðuð var ákveðið að flokka svörin á eftirfarandi hátt:
- Ahugaverðustu og minnisstæðustu atriðin
- Hagnýting
- Hindranir
Hér á eftir verður gerð grein fyrir helstu atriðum er fram komu í tveimur fyrstu
flokkunum og fjallað um hvert námskeið fyrir sig, en um hindranir er fjallað í heild.
Fyrst verður lýst svörum þátttakenda um hvað þeim þótti áhugaverðast og minnis-
stæðast við námskeiðin. Þá er sagt frá niðurstöðum svara um hagnýtt gildi og loks
er fjallað stuttlega um framtíðaráætlanir þar sem það á við.
Að kenna þjóðfélagsþegnum næstu aldar.
Heildstæð kennsla og skapandi starf
Ahugaverðast og minnisstæðast
Á námskeiðinu voru kynnt ný og fjölbreytt vinnubrögð sem vöktu áhuga. Nám-
skeiðið var þannig byggt upp að þátttakendur prófuðu vinnubrögðin sjálfir á nám-
skeiðinu. Þetta form var einn af kostum námskeiðsins, sem hvatti til að prófa nýja
hluti í kennslu og einnig það að þurfa að mæta aftur að hausti og kynna tilraunir
með vinnubrögð sem kennd voru á námskeiðinu og heyra af reynslu annarra. Það
var mikil hvatning að fá kynningu á nýjum hugmyndum og öðlast þor til að nýta
þær. Þannig fengu þátttakendur hugmyndir og heyrðu um hvað aðrir voru að gera.
Margt gott kom fram í þeirri kynningu. Sumar hugmyndir voru ekki nýjar en nýtt
og gamalt fléttaðist vel saman. Gott samræmi var milli efnis námskeiðsins og
vinnubragða sem beitt var.
Leiðbeinendur á námskeiðinu virtust mjög vel undirbúnir. Þeir miðluðu á
áhugaverðan og hvetjandi hátt af margra ára reynslu sinni af þeim vinnubrögðum
sem kennd voru. Þeir virtust hafa mikla trú á vinnulaginu og höfðu gengið í gegn-
um súrt og sætt við að þróa það. Sérstaklega minnisstætt er þátttakanda hve stjórn-
endur voru jákvæðir. „Það var hægt að koma fram með óöryggi", segir einn þeirra
og vel tekið á því, má skilja af samhenginu. Leikræn tjáning er nefnd af nokkrum
sem mjög jákvæður þáttur og hvernig hún nýttist til að skapa nýjar aðstæður og
laða fram hughrif á tiltölulega einfaldan hátt. Einn þátttakandi nefnir slökun sem
jákvætt atriði á námskeiðinu.
Námskeiðið var mjög skemmtilegt og góður starfsandi skapaðist. „Þetta var
alveg frábært námskeið" segja sumir og óska eftir framhaldi. Einn segir að leiðbein-
endur hafi verið „alveg draumur í dós og ég vil bara fá meira", þetta hafi verið
alveg einstaklega vel gert hjá þeim. „Skemmtilegt og gagnlegt" eru orð sem einn
viðmælandi velur. Annars staðar kemur svipað fram: „Þetta var bara mjög vel
heppnað að öllu leyti og mætti væntingunum semsagt fyllilega. Og svona til þess
að ... ég sem sagt vildi vinna með samþættingu og svoleiðis en hafði ekki kjarkinn
til að byrja. Fannst svo mörg ljón í veginum. Þetta námskeið hjálpaði mér alveg af
stað."
Staðsetningin á Varmalandi reyndist mög vel. Nokkrir þátttakenda taka sér-
staklega fram að þeir vilji að námskeiðshaldi utanbæjar verði fram haldið. Mikill
97