Uppeldi og menntun - 01.01.1999, Blaðsíða 67

DÓRA S. BJARNASON
Leigjandi - leigjendur
Benedikt leigir eitt herbergi og afnot að heimili sínu einstaklingi eða pari sem er á
líkum aldri og hann sjálfur. Hér getur verið um nemendur að ræða sem þurfa hús-
næði til eins árs. Vanda þarf val leigjenda. Skyldur leigjenda eru að:
- nýta og umgangast heimili Benedikts af virðingu.
- elda og borða með honum kvöldmat að öðru jöfnu og vera heima a.m.k.
fjögur kvöld í viku og 5-7 nætur á viku.
' - mynda öryggisnet ef nauðsynlegt er að næturlagi, aðstoða hann á salerni
og þess háttar.
- deila með honum a.m.k. einum dagparti (t.d. um helgi, að kvöldlagi eða
í fríi eftir nánara samkomulagi).
Ekki er gert ráð fyrir að leigjandi/leigjendur gegni hlutverki starfsmanns, en hann
eða þeir veita Benedikt nokkra hlutdeild í hversdagslífi sínu svo sem algengast er
þegar jafnaldrar deila húsi og heimili en ekki sæng. Leigjandinn greiðir ekki leigu í
peningum en tekur eðlilegan þátt í matarinnkaupum og greiðslu á ljósi, hita og
síma í samræmi við notkun.
Stuðningshópur
Stuðningshóp Benedikts (circle of friends) mynda móðir Benedikts eða annar ætt-
ingi, 2-3 vinir hans, læknir, fulltrúi félagskerfisins, umboðsmaður, fjárhaldsmenn
og eftir atvikum vinnufélagi, kennari, klúbbfélagi eða enn annar. í hópnum eru í
mesta lagi níu manns og að lágmarki sjö (sjá t.d. Forrest, Pearpoint og O'Vrien 1996).
Þessi hópur gegnir hlutverki eins konar gæðaráðs. Hér liggja öll viðmið sem
varða heildarmynd þjónustukeðju sem aldrei má rofna. í þessum hópi er líka að
finna það fólk sem þykir vænst um Benedikt og lætur sér annt um velferð hans og
heill. Benedikt situr sjálfur fundi hópsins og tekur þátt í störfum hans."
Hópurinn hittist 2-4 sinnum á ári að jafnaði, en oftar ef nauðsyn ber til. Þessi
hópur tekur sameiginlegar ákvarðanir í samráði við Benedikt um lífshlaup hans í
öllum höfuðatriðum og ber ábyrgð á þeim ákvörðunum. Einstaklingar hópsins skuld-
binda sig til að styðja við líf Benedikts og ef einn hverfur úr hópnum ber hópnum, í
samráði við Benedikt og umboðsmann hans, að skipa nýjan.
Fundir hópsins hefjast ævinlega á því að ræða um „hver Benedikt er og hvaða
þarfir, áhugamál og styrk hann hefur" (sjá nánar Forrest, Pearpoint og O'Vrien
1996).
Fj árhaldsmaður/menn
Móðir Benedikts og síðar lögfræðingur hans fara með fjármál hans að höfðu sam-
ráði við stuðningshóp og umboðsmann.
Þetta skipulag þarf að prófa og laga að íslensku samfélagi, réttarstöðu Bene-
11 Þriggja manna hópur þarf að axla ábyrgð á lífi og eigum Benedikts þegar móðir hans verður ófær um slíkt eða
hún fellur frá. Þessi hópur verður í hlutverki lögráðanda Benedikts. Það er mikilvægt að ábyrgð allra sem að
þessu koma sé vel skilgreind svo að aldrei komi til þess að óljóst sé hver beri ábyrgð á lífi og eigum Benedikts.
Ekkert kerfi er fullkomlega öruggt og gera þarf ráð fyrir því að þeir sem komi að lífi Benedikts geti sjálfir unnið
að sínum eigin markmiðum.
65