Uppeldi og menntun - 01.01.1999, Qupperneq 123

SÓLVEIG JAKOBSDÓTTIR
3% af drengjum en 2% af stúlkunum höfðu notað ráðstefnur. Ekki var í þessari
könnun spurt hvað unglingarnir væru að gera á vefnum og hugsanlegt er að stúlk-
ur og drengir noti ekki eingöngu Netið í mismiklum mæli heldur einnig á mismun-
andi hátt og hafi áhuga fyrir mismunandi vefefni. Kannanir hér á landi meðal ann-
arra hópa en unglinga hafa einnig sýnt að um kynjamun í Netnotkun sé að ræða og
má þar nefna könnun hjá 84 manna slembiúrtaki kennara og skólastjómenda sumarið
1997. Þar kom fram að um þriðjungur kvennanna notaði tölvupóst og veraldarvef
■eitthvað að ráði í eigin þágu en um tveir þriðju hlutar karla (Sólveig Jakobsdóttir o.fl.
1998). Enn fremur notuðu um 96% kvertnanna þessar Netveitur aldrei með nem-
endum sínum en um 74% karla. Gallup-kannanir meðal almennings (16-75 ára) frá
1998 og 1999 hafa einnig sýnt að konur nota Netið mun minna en karlar eða 1,2 klst.
að meðaltali á viku 1998 og 2,5 klst. 1999 miðað við 4,1 klst. og 4,7 klst. hjá körlunum
(Forsætisráðuneytið 1999a, Forsætisráðuneytið 1999b). Þær kannanir benda þó e.t.v.
til þess að notkun aukist hraðar hjá konum en körlum.
Á hinn bóginn leiddi könnun Ásrúnar Matthíasdóttur (1996), sem gerð var
meðal 95 framhaldsskólanema úr Fjölbrautaskóla Garðabæjar, ekki í ljós mark-
tækan kynjamun í tölvukvíða eða viðhorfum til tölva né heldur í tölvunotkun og
tölvureynslu eða aðgengi að tölvum. Meirihluti nemenda af báðum kynjum hafði
áhuga á að vinna með tölvur og um helmingur þess hóps hafði áhuga á að velja sér
(í framtíðinni) sérhæfð störf tengd tölvum.
Óvíst er hins vegar hversu stór hluti hvors kyns velur sér, þegar á hólminn er
komið, tölvutengt framhaldsnám og/eða sérhæfð störf á sviði tölvu- og upplýsinga-
tækni og ekki virðist sjást þróun í þá átt að konur sæki meira í tölvunarfræði en áður.
Á nýlegri félagaskrá Félags tölvunarfræðinga á vefnum, sést að konur eru 55 af 274
eða 20%, en félagar verða menn sjálfkrafa þegar þeir brautskrást úr tölvunarfræði við
Háskóla Islands (júní) (Félag tölvunarfræðinga 1996). Hlutfall kvenna mun ekki hafa
hækkað á undanförnum árum því eingöngu 17 konur útskrifuðust úr tölvunarfræði
við Háskóla íslands 1993-1999 (júní) af 120 manna hópi (eða um 14%) (Brynhildur
Brynjólfsdóttir 17.7.1999). Þar af vó reyndar síðasti árgangurinn þyngst því að í júní
1999 útskrifuðust 5 konur af 18 (eða 28%). í ljósi þess hversu mikill vöxtur er í hugbún-
aðarframleiðslu og útflutningi, þannig að vonir standa til þess að byggja megi upp
sterka atvinnugrein, er leitt að hugsa til þess að stúlkur velji sig e.t.v. frá slíkum
störfum, m.a. með ónógum undirbúningi í grunn- og framhaldsskólum.
Tölvumenning skóla
Rannsóknir og kannanir af því tagi sem hér hafa verið kyimtar geta gefið góðar
vísbendingar um hvort vandi er til staðar. Þær hjálpa hins vegar ekki mikið til þess
að greina ástæður fyrir því hvers vegna kynjamunur kemur fram og hvers vegna
ekki og segja þar af leiðandi lítið um hvernig best væri að bregðast við til að stuðla
að auknu jafnrétti í skólum landsins.
Ýmsir menntunar- og mannfræðingar hafa reynt að skilja betur hvað gerist inn-
an veggja skólans með því að líta á skólastarf sem menningu (cultural phenomena)
(Dobbert 1982, Sherif 1979). Mannfræðingurinn Marion Lundy Dobbert hefur rann-
sakað skólastarf út frá þessu sjónarmiði en hún hefur skilgreint menningu sem lífs-
121