Uppeldi og menntun - 01.01.1999, Blaðsíða 114

FRUMKVÖÐLAR OG ANNAÐ FÓLK í ÓLGUSJÓ UPPLÝSINGA
sínar eigin leiðir og gera þær tilraunir sem hún er tilbúin til að leggja á sig, stund-
um með styrki í þróunarverkefni til stuðnings.
Sömuleiðis virðast hugmyndir þær sem hún vinnur eftir vera alfarið hennar
eigin en ekki unnar í neinu samstarfi við samkennarana.
Þeirfara að brenna út
Dugnaður og ósérhlífni eru áberandi hjá Heklu og hún lítur greinilega svo á að ekki
sé um annað að ræða en að vinna þau verk sem vinna þarf til að ná settu marki.
Landkönnuður snýr ekki við á miðri leið þó að samferðamennirnir séu lagstir í koju
uppgefnir. Um verkefni sem mistókst segir Hekla ástæðuna vera þá að þar var
„...enginn agi og engin verkstjórn".
Hún telur að til þess að vel takist til með verkefni í notkun upplýsingatækni í
skólum þurfi þau að vera smærri í sniðum og betur undirbúin og að þau megi ekki
alltaf vera aukavinna. Hún álítur líka að stjórnun skólans skipti miklu máli. Að
skólastofnunin verði að vera vel rekin ef vel á að takast til.
Þá hefur hún velt fyrir sér hvernig eigi að vinna til að fá fleiri kennara til þess
að taka þátt í tilraunum með upplýsingatækni í skólunum.
...ég held að til þess að það blómstri einhvers konar tölvuvinna í skólum þá þurfi að
vera einhver sem er ráðgjafi, og sem er ekki tæknilegur ráðgjafi. Því að það eru nú
víðast hvar í skólunum einhverjir sem kunna á græjurnar. Heldur sé einhver kenn-
ari sem þekkir þennan miðil þokkalega vel og hefur langa reynslu afkennslu, hann
verði einhvers konar ráðgjafi sem geti t.d. sest niður með kennurunum eða kennara
í einhverri grein og spjallað, bara um það hvernig væri hægt að nota tölvur í þinni
grein. [...] bara að leita eftir hugmyndum og hjálpa fólki síðan til að framkvæma
hugmyndirnar. Ekki að stýra neinu, ekki að stjórna neitt að ofan, en væri svona
hvetjandi ogfengi greitt fyrir það ... kennarar fara ekki afstað nema það sé spjallað
svolítið við þá fyrst og hver á að gera það? Og ég mundi sem sé gjarna viljafara í
slíkt starf.
Það hefur líka vakið Heklu til umhugsunar um hvernig þurfi að standa að hlutunum
að fylgjast með áhugasömum frumkvöðlum vítt og breitt um landið sem hafa lagt sig
fram á undanfömum árum. Svo virðist sem ekki bætist nýir kennarar í þann hóp.
Þetta er alltaf sama fólkið, þetta eru alltaf sömu frumkvöðlarnir sem eru alltaf að
vinna þetta íaukavinnu afhugsjón. Þeirfara að brenna út. ...ég hef alltaf þurft að
bæta þessu ofan á aðra vinnu.
Nú ættu bæði frumkvöðlarnir og skólastjórarnir að vera komnir með nógu mikla
reynslu til að draga af henni lærdóma.
SAGA FRUMKVÖÐULS Á ÍSLANDI
í FRÆÐILEGU SAMHENGI
Nú er forvitnilegt að bera þessa sögu saman við erlendar rannsóknir á þessu sviði
en um þessar mundir er mjög mikið skrifað um niðurstöður rannsókna á sviði upp-
lýsinga- og samskiptatækni. Sviðið er tiltölulega nýtt en þó er víða komin reynsla
sem þarf að rannsaka til að læra af hvernig áfram skal halda.
112