Uppeldi og menntun - 01.01.1999, Blaðsíða 19

GUNNAR J. GUNNARSSON
Síðasta spurningin tengd sorg og dauða var: Hvað finnst þér best að gera þegar
þú ert sorgmædd(ur) eða líður illa? Börnin áttu að svara með eigin orðum og fylla
út í þar til gerðar línur. Svörin voru síðan flokkuð í átta flokka. Flokkarnir koma
fram á Töflu 1.
Tafla 1
Hvað finnst þér best að gera þegar þú ert sorgmædd(ur) eða líður illa?
Svör allra þátttakenda og skipt eftir kyni
Stelpur Strákar Allir
Flokkur
1. Biðja, hugsa um Guð 32,7% 20,5% 26,8%
(N=186) (N=109) (N=295)
2. Fara að sofa, leggja sig 7,7% 14,3% 10,9%
(N=44) (N=76) (N=120)
3. Vera einn/ein inni í herbergi 6,3% 5,3% 5,8%
(N=36) (N=28) (N=64)
4. Hugsa um e-ð fallegt, gott 14,8% 9,2% 12,1%
(N=84) (N=49) (N=133)
5. Gera e-ð skemmtilegt 13,0% 17,1% 15,0%
(N=74) (N=91) (N=165)
6. Gráta 9,7% 2,3% 6,1%
(N=55) (N=12) (N=67)
7. Tala við einlivern 20,7% 9,0% 15,1%
(N=118) (N=48) (N=166)
8. Annað 2,3% 5,6% 3,9%
(N=13) (N=30) (N=43)
9. Svara ekki 4,9% 7,9% 6,4%
(N=28) (N=42) (N=70)
Eins og sjá má af töflunni sýnir stærsti flokkurinn trúarleg viðbrögð við sorg eða
vanlíðan, en rúmur fjórðungur gaf slík svör. Svörin voru á þá lund að biðja bænir,
tala við Guð, hugsa um hann eða til hans og jafnvel skamma hann, lesa í Biblíunni
og fara í kirkju. Stelpur eru hér í töluverðum meirihluta en þær eru 63% þeirra sem
fylla þennan flokk en 32,7% stelpnanna lýsa trúarlegum viðbrögðum við sorg og
vanlíðan á móti 20,5% stráka. Næst algengust eru svör þar sem talið er best að tala
við einhvern, foreldra eða aðra ættingja, vini o.s.frv., en 15,1% svöruðu á þann veg.
Hér eru stelpur einnig í miklum meirihluta en þær voru 71% þeirra sem fylltu
27