Uppeldi og menntun - 01.01.1999, Page 129

SÓLVEIG JAKOBSDÓTTIR
Fengu þessir nemar greidda tíu yfirvinnutíma hver af rannsóknarstyrk fyrir þátt-
tökuna og fengu þeir einnig strax aðgang að gögnum sem tengdust skólum þeirra
um leið og þau lágu fyrir.
Af skólunum sem tóku þátt í rannsókninni voru fimm af Reykjavíkursvæðinu
(fjórir grunnskólar, R1-R4; og einn framhaldsskóli, RF) og fimm grunnskólar af
landsbyggðinni (L1-L5). Svarendur voru 761. Mynd 3 sýnir hvernig svarendur
greindust eftir bekk/ári og sést þar að um helmingur þeirra var úr 9. og 10. bekk
(eða 378). Á myndinni sést að kynskipting var yfirleitt jöfn (eða 50:50 +/-5
prósentustig). Frá er þó talinn 8. bekkur en þar voru piltar í töluverðum meirihluta
(41:59) og fyrsta og fjórða ár úr framhaldsskólanum (skóla RF) en þar voru stúlkur í
meirihluta eða um 3/4 hlutar svarenda. Þó ekki hafi verið um slembiúrtak að ræða
tel ég að það hafi verið nokkuð gott og sérstaklega ef litið er á unglingastigið en um
4-5% allra nemenda í 9.-10. bekk í landinu tók þátt í rannsókninni og um 2-3%
allra nema í 8. bekk. Einnig voru um 58% af Reykjavíkursvæðinu. Endurspeglar sú
skipting nokkurn veginn hlutfall nemenda milli landsbyggðar og höfuðborgar-
svæðis samkvæmt upplýsingum frá RUM. Enn fremur má nefna að af landsbyggð-
arskólunum fimm vantaði eingöngu fulltrúa af Vesturlandi og Vestfjörðum og var
annars einn skóli úr hverjum landshluta.
Mynd 2
Dreifing þátttakenda eftir kyni og bekk/ári
«3
TJ
6
<u
C
To
p-T
Bekkur/ár
Þar sem talið var að meiri kynjamunur kæmi fram með aldri innan grunnskólans
var lögð áhersla á að fá þátttöku af unglingastiginu, en hvatt var til að fá einnig
127