Uppeldi og menntun - 01.01.1999, Síða 98

ÁRANGUR SEM ERFIÐI?
Tafla 1
Mat þátttakenda á ávinningi af námskeiðunum
Nýsköputt og Að kenna samanborið við heildarniðurstöður námskeiða 1995.
Tölurnar eru hlutfallstölur
Nýsköpun Heild 1995 Að kenna Heild 1995
N=14 N=868 N=22 N=868
Að kynnast nýjum hugmyndum 100,0 81,1 90,9 81,1
Að vekja til umhugsunar 78,6 74,9 77,3 74,9
Að auka þor 92,8 51,7 90,9 51,7
Þegar borin er saman röð þátta í mati kennara fyrir og eftir námskeiðið sést að sami
þáttur „Kynnast nýjum hugmyndum" er i báðum tilvikum í fyrsta sæti. Atriðin
„Öðlast aukna færni" og „Auka þekkingu á viðfangsefninu" vega að vísu þungt
áður en námskeiðin hefjast en önnur atriði hafa færst ofar í huga þátttakenda að
námskeiðum loknum, þ.e.a.s. „Að vekja til umhugsunar" og „Að auka þor". Leið-
beinendum virðist því hafa tekist að höfða til áhuga þátttakenda, þeir hafa komist
yfir „kynningarþröskuldinn" og hjálpað þeim að íhuga eigin reynslu og takast á við
viðfangsefnin.
SÍMAVIÐTÖL
Símaviðtöl voru hálfskipulögð sem merkir að spyrjandi hefur til hliðsjónar all ítar-
lega skrá yfir þau atriði sem hann vill fá svör við, en röð þeirra ræðst að nokkru af
framvindu viðtalsins. Þessi gerð viðtala hentar betur til að fá fram nokkuð ítarleg
svör í samræðuformi en ef stuðst er við fastmótaðar spurningar (Drever 1995:13).
Meðallengd viðtala var um 15-20 mínútur.
Eftirfarandi meginatriði voru lögð til grundvallar hverju viðtali:
- Námskeiðið sjálft, áhugaverðustu, minnisstæðustu atriðin.
- Hagnýting, hvað gekk vel og hvað ekki, helstu hindranir.
- Framtíðin, verður um frekari úrvinnslu á efni námskeiðsins að ræða?
Viðtölin tóku reyndir kennarar sem hafa verulega reynslu af því að leiðbeina kenn-
araefnum og starfandi kennurum. Viðtölin voru vélrituð orðrétt til að tryggja að öll
svör yrðu skoðuð og gaumgæfð.
96