Hugur - 01.01.1994, Síða 48

46
Sigríður Þorgeirsdóttir
HUGUR
búast við því að um aldamótin verði konur og börn í miklum meiri-
hluta fátækra í Bandaríkjunum.27
Enginn stjórnmálaheimspekingur getur horft framhjá því óréttlæti
sem felst í þeirri markvissu gildislækkun á stöðu konunnar sem á sér
stað. Rawls minnist ekki einu orði á þetta ástand í kenningu sinni um
réttlætið og verður það að teljast einn helsti ljóðurinn á kenningu hans.
Af þessum sökum verða frjálslyndir að viðurkenna styrk þeirrar
gagnrýni sem femínistar og samfélagssinnar setja fram, að kenning
frjálslyndra vanræki mikilvægi umhyggju, umhverfis og sérstöðu og
taka beri meira tillit til þessara atriða.
í stuttu máli sagt má staðsetja femíníska gagnrýni í stjórnmála-
heimspeki og siðfræði mitt á milli kenninga frjálslyndra og samfélags-
sinna. Hugmyndin um samfélag er femínískri kenningu ómissandi
engu síður en hugmyndin um einstaklingsfrelsi. Kenningar femínista
um gott og réttlátt samfélag fela í sér einstaklingsfrelsi og áherslu á
samfélagið, í einkalíiinu jafnt sem utan þess.
Dýrleif Bjarnadóttir þýddi
27 Sjá Kymlicka, Contemporary Political Philosophy, s. 89.